中山、珠海澳門豪食之旅4

離開氹仔市區，大約5分鐘車程。

坐賭場專車好快咁又返到來。

大蝦好新鮮又爽口

雞扖乾身左d，螺絲粉就個個讚。

燒肉同燒鴨又係差d，所以唔食，但义燒醃得好好味。

左邊個星洲炒米有人話炒得好地道(乜新加坡有咩)，

我就話右邊個泰式咖哩牛肉好味d。

一致公認咖啡味慕絲蛋糕好食，所以一口氣要三件。

食完野係佢地個偏廳坐吓，而家先留意到佢地燈飾都唔錯，

不過欣賞還欣賞，我一定唔裝，想抺死我咩。

今日需然食左好多野，但我對味精敏感指數一d都無發作，

可以想像國內同胞當味精係鹽咁用。

最後一個重要行程，係拱北關口地下街有間餅店。

人山人海咁

有好味道嘅芝士蛋糕，而且好平10.5人仔1盒有3條，

而葡撻都係2.5人仔一個，同哥哥仔講要晒佢，

咁講好似好跨張，其實佢唔係出好多姐，只有2底。

今次旅程又完結了，要返工揾錢去旅行了。

後記：

今次旅程見完大家及討論之後都唔算豪食豪嘆，而且導遊姐姐唔合格不特止，我地重要谷氣。

不過出來行，預左還，又要睇吓自己比左幾多錢先嘅。

哈哈！無尼頭。

中山珠海、澳門豪食之旅1

中山 珠海 澳門豪食之旅，聽個名就知最多好野食地方，

今次全程食同埋訓，行程只有兩個唔重要景點。

旅行社標榜 豪食豪嘆，係唔係，就大家一齊睇過先知 哈~ ~。

早上係西部通道集合，今日人山人海，成佰幾團同一時間接，

都幾混亂。等左一個鐘架車先到，導遊好怪，又無旗仔，

得張紙，一來到就踎係地下同我地點名，又無望吓個人點樣，

點點吓名，重逐個寫電話比人，大家等唔到點名，

攞佢張名單自己攪掂，我地問左佢車牌，話行得，

佢聽到竟然無招呼大家一吓，一條冷就行行行到架車到，

我地要自己照顧自己行得慢嘅同伴。

我地架車就係全塲最舊果架，好易認，

上車前往珠海展開我們的旅程。

中途加油站，大家己開動為食機器。

而且價錢都唔貴，豆腐花5蚊大大碗，芝麻糊都係6蚊 抵。

腸仔5蚊2條，重抵，雞蛋1蚊1個，粟米4蚊1枝，

第一站直接到餐廳吃日、韓料理自助午餐，

所以我地都好有節制咁食。

第一餐！價錢好抵呀，預左差。

地下廳坐，我地安排上樓坐和式。

樓上就寬闊好多，但.... 好奇怪導遊無指導我到入邊間房，

只係叫人入房，坐低，入到來無位果d人嘈，

佢就叫入去對面間房， 吓....咁都得。

入房要除鞋幾麻煩。

坐環境好、靜，取食物就係樓下，

唔知幾時有野出，而且多人到針都插唔入。

以上食品，豬腳薑，豆腐，

凍蝦，冷面無乜人爭，打左底先再揾食

有壽司出，前面果個掃晒d三文魚呀咁，

剩返d青瓜咁，唔理食飽先。

乜胡椒粉腸湯日本、韓國都有？

行多兩轉，竟然連碟都無得供應，咁都得。

這一盤排隊起碼15鐘，小d耐性都無得食。

這裡的確好啱內地同胞味道，味精攪到我口渴到死，

沿途要不停買水及生菓食。

增肥之旅

可能年紀大左所以好早瞓醒起身，

就整埋個早餐慢慢食完就趕去西部通道關口集合。

參加左個中山 珠海 澳門豪食2日之旅，

旅行社標榜豪食豪嘆優閒，呵呵今次重唔肥死。

菜芯干蒸蝦乾—干對乾

上次係 清遠—連南 旅遊時買左D 菜心干。

圖中最右手邊就是。

上次用來蒸排骨，嘩！好乾好難食。

之後想想可能無比油，所以今次特別精心泡制。

先用水泡2小時，確定它變軟變得濕潤切段，

放碟上，五花肉洗淨抺乾切片，用生抽1湯匙、酒1茶匙、

胡椒粉少許、糖1茶匙、水3湯匙、薑絲1湯匙、麻油少許醃片刻，

放於菜芯干上，蝦乾用水泡10分鐘後，隔乾水放五花肉上，

放入滾水上，隔水蒸10分鐘，即成。

今次菜心干吸收了五花肉嘅油分比較好入口，

清遠當地人乜都晒乾，留反來慢慢食，而家開始開發，

希望旅遊業可幫到佢地。

復活節送你們一個復活蛋

見人地畫蛋好容易隨心，懶醒嘅我就想試吓，

但  原來畫畫果枝筆用埋顏料好難運用得好，

一路構想一路畫，攪到我想死，最後草草收檔，真失禮。

幾好玩

琴晚慶祝我老細昇職，佢擺左兩圍請我地吃。

又再次見到佢，之前有同事榮休時，

X UC 就帶好多紅酒來，其中有個盒裝紅酒，

佢設計幾好幾得意，要飲幾多可以自己斟，

人多大家又爭著玩，結果好快就飲完。

而酒比較甜，都可以話似果汁。

今次人小左(佢分幾次擺)，所以有剩，我又慳家，

所以就的左佢返屋企，唔好晒嗎。