新玩具

這篇終於可以寫出黎見人啦。

早排買左兩個新玩具，一部係迷你衣車。

這個可以用黎補吓衫、車吓窗廉布，其他野....要諗吓.....可以做乜先得。





第二樣係麵包機。




第一次試整係預較左時間，
唔知點解，徹低失敗左？？？

第二次試整無預較時間，每樣材料小心放唔同位置。

結果......係發左，但！唔係應有size 又失敗？？？

跟住第三次 ..... 呵~ ~  一出黎見到個樣..... 成功啦，好似.....。

點知，食落好似白糖糕個口感。

再次失敗？？？

第四次..換果個食譜成果，睇落唔錯，重好有麵包香味添。

 

熱辣辣食時都唔錯，只係唔錯，

帶佢地返公司，請白老鼠們試味，一致應為唔夠鬆軟，好硬。
但.....有隻白老鼠名叫實習學生，她說，好喜歡它夠硬，
夠麥香，又夠健康因為無發粉。吓~ ~

唉！都唔知好怒定好笑，當然又算失敗？？？

再整，這次唔要麵包機由頭做到尾，決定揾焗爐幫手。

哈)))))  出黎效果都唔錯，係排氣做得唔好，
比個橫切面大家睇吓。





發覺，應該係發酵過度。又失敗？

第六次，可能熟習左，這次個包好鬆軟，表面正常。

 

 

 

最終一回終於成功，這次終於似模似樣啦。



都唔明做有餡飽材料一樣，但效果都唔同，
還好係越來越好，希望下次做得更好。

橙香沙律

趁假期去剪頭髮，點知剪開果個放假，求其揾過個。

尼個髮形師唔知係唔係睇我個頭唔順眼，叫佢剪2吋，佢剪夠4吋，又偷薄重要一岩一弗，睇佢剪得興起，越剪越多，剪完佢先醒起偷偷望我，睇吓會唔會閙佢。唉~ ~！佢都傻嘅，我d頭髮硬到c，成隻獅子狗咁鬆起又亂咁翘，由細到大都係短髮，係做離子時先有得留長髮扮吓飄逸，你整到點型都好，一出門口比風一吹咪又打返原型。所以剪開個髮型師會跟我要求，求其剪短就ok 。






材料：
柑子1個、蘋果1個、小蕃茄10顆、西生菜5片、綜合堅果及果乾1把。

調味料：橙香沙律汁
帶果肉的橙汁3大匙、橄欖油2茶匙、白胡椒適量、海鹽適量。

做法：
1.柑子剥皮撕根，蘋果洗淨切丁、小蕃茄淨對切、西生菜洗淨用手撕成小塊狀。
2.沙律醬汁：把帶果肉的橙汁、橄欖油、白胡椒、海鹽攪拌均勻即可
3.組合所有的食材，然後撒上堅果及果乾，最後淋上醬汁即可。

黑醋洋蔥肋排

 

材料：
豬肋排600克、洋蔥1、意大利黑醋1/3杯、
黃沙糖2至3湯匙、蒜茸1湯匙。

醃料：鹽半茶匙、黑椒粉少許

調味料：鹽少許、黑椒粉少許。


做法：
1.豬肋排淨抺乾加醃料拌勻；洋蔥切絲。
2.用少許橄欖油煎至金黃色。
3.加入洋蔥及蒜茸炒透，先下少許黃沙糖炒至有焦香味。
4.最後加入意大利黑醋及餘下的黃沙糖，加水2杯煮1小時至汁液收乾。

用左醋黎煮好快冧又唔會漏，剩左第二日食重入味呀。

芝士飯糰

大少姐最喜歡吃壽司魚生之類食品，所以今餐食壽司。
但！雪櫃內有好多飯剩，
咁我就整左個芝士飯糰，尼餐頓時變得好豐富又唔覺係冷飯。

白飯1大碗，芝士2片(切碎)，蛋1隻(蛋白及蛋黃分開)
胡椒粉、鹽各少，麵包糠適量。

 

將蛋黃、芝士、白飯麵包糠，鹽、胡椒粉拌勻，
取適量的芝士飯搓成小球，
蘸上蛋白再上麵包糠，放入中温油中炸玉金黃色即可。

一向有留起麵包皮，切碎作麵包糠放雪櫃冰格。
係飯團內加麵包糠增加豐富口感，芝士增加黏性及乳化效果，
外層麵包糠大小不一口感特別脆。
喜歡重口味的，可加入煙肉架。

江門遊(上)

亞虎真係好多奇難雜症，講都講唔晒，無乜心機加上有點忙，
好多blog 都出唔切，好多野變成舊文，點都好盡量寫啦。



早前參加栢銘假期二日團，到江門逸豪酒店hea 吓。

到福田口岸集合，一上車個個大教瞓，午餐時間，
到漁夫子餐廳吃農家宴『漁夫農家宴』

 

一坐下來，就可以飲到店家現煮的豆漿及夏枯草

例湯係陳皮老鴨冬菇湯，另外一個係好甜嘅蕃薯紹菜炆豬骨煲。




土雞....咸咸地好好味，蓮藕炆五花腩好鬆化，清蒸鱸魚好滑，
芋頭炆老鴨就差啦，個芋頭好唔掂。

炆蘿蔔好甜，陳皮蒸肉餅好甘好實在啊，
皮蛋白菜肉絲好好食，加埋魚蓉粥飽晒囉。

最後黎左兩個甜品，菠蘿包同甘蔗，菠蘿包內裏有神灣菠蘿同奶黃做嘅餡，
而甘蔗幫你去晒節，食起上黎真係好方便。

食完飯散吓步週圍行吓，酒家位於江邊，環境唔錯。

之後去，新會市 杜阮鎮 的羊石坑 叱石風景區，睇禾雀花。

經過尼條長長石級，上到叱石寺門，本來這裏無乜特別，
好在合時見到禾雀花開，都算值得一上。






禾雀花是江門五邑特有的花，因為形似雀而得名。
雀花花期較短，大約清明前後開花。

睇完花當然要入廟走一走

尼間屋後面，就係佢地個大雄寶殿啦，
需然好簡單，但好感受到佢嘅歷史。

舊嘅建築好簡單但好有味道。

大家可以見到，這裏以前只是依山而建小小一間寺廟，
當地發展旅遊業大興土木，
大力開發土地，變成好宏偉，但就好空洞囉。

三面觀音

之後到今晚下榻酒店休息吓。

 

之後返逸豪酒店休息，這裏酒店設施有很多，除泳池外全要自費。

蓮霧銀杏炒雞球

 

材料：

蘆筍4枝切段、蓮霧2兩個切塊、銀杏約3湯匙、雞扖2件。
調味料：

雞粉1/4茶匙、鹽1/4茶匙、黃糖1/4茶匙、生粉1茶匙。


做法：
1. 雞扖切成球狀，用雞粉、鹽、糖、生粉各少許拌勻醃30分鐘，放入油中走油七成熟，盛起。
2. 燒熱鑊加入一湯匙油爆香薑片，加入蘆筍銀杏略炒，再加少許水及調味料加蓋煮2分鐘。
3. 雞球回鑊略煮，加入蓮霧炒勻即可上碟