炸腰果

 

腰果，一向都是用油炸，舊年有朋友仔用鹽炒，效果都唔錯，係咸左DD。

我唔係好想咁咸，用返油炸，見到~ ~又唔係好開胃，油淋淋咁，拎左D去焗，蝦！ 效果又唔錯喎

如果有興趣可以試下，都幾覆雜架，用1公升水1湯匙鹽比例，浸腰果10~15分鍾，隔去水份，吹至乾，要成12~18小時，之後預熱焗爐，用100度，焗1小時就成功啦

但！要記得啊，要徹底放涼先脆架(成4~5小時) 炸同焗都係熱氣，唔好食咁多呀

雞脾菇炒鵝肝醬

 

 

材料：
鵝肝醬50克、雞脾菇200克、紅甜椒80克、青甜椒80克、蔥段20克。

調味料：
蠔油2湯匙、米酒1湯匙、黑胡椒1茶匙、番茄醬1茶匙、醬油膏1茶匙、糖1/2茶匙。

做法：
1.杏鮑菇切成大丁狀，鍋中放入雞高湯和杏鮑菇煨煮入味後，撈出備用。
2.將甜椒過油後撈出瀝油。
3.鍋中放2大匙油，放入蔥段、鵝肝醬、蠔油炒香，再下紅椒丁、青椒丁炒香。
4.同上鍋調入所有調味料拌炒入味，加入雞脾菇翻炒均勻即可。

潮州粉果

見高Ling 整粉果，就好想食，終於啲起心肝整，第一炮包起個樣 hehe 真係唔掂，唔係爆口就係穿窿，不過個皮真係好好，內餡有豬肉、冬菇、沙葛、蝦米、西芹、炸花生，我重加埋甜菜甫，正呀！！

 

 

第二次包得‥‥粗手粗腳都係強差人意，爆口係小左，算啦，好食就得啦

Traning

一年一度District Traning 今年係大棠郊野公園舉行，話得team building 一早約埋同事同進同出，吃個飽飽早餐，因為中午要野外煮食，唔食飽D容乜易煲燶飯時咪要餓住個肚返屋企

專車接送往目的到(訓練嘅野，唔係要由山腳行上山咩)，分好組後開始上午活動，天氣都唔差，唔太熱唔太凍，平時小行，行左個半小時斜路都有D腳倦，但見到之前好多龍友瘋影嘅楓葉，今日得返枝梗 過果D關都好容易，中午用gas煮食，重要3餸1湯，設計餸菜及煮時，發覺大家(包括我)講天下無敵，食完飯休息一下又要開始團體遊戲，最後我 team 符碌得第三名。

晚上，同朋友仔團年？因為佢訂左張枱，但屋企有3個人唔黎，我去鄧腳，蝦！吃得係普通左D，但又唔貴喎 $1488 全包 ，重好過自己煮

 

尼度出名米王同炸兩，有香港友入親黎一個人都食兩碟炸兩，當然粥唔及發記好食，但好過國記好多好多！

 

成八十幾人架，聽埋訓話就可以出發啦

楓葉就無乜啦，見有幾棵不知名樹，開滿粉紅色花好靚，樹腳還灑滿花瓣，真是好看

本來擔心要用柴炭來煮食，一見到這個陣式即刻放心晒，因為除左米之外，每樣加一加熱都食得，我地組成11個人，有兩位男士唔夠飽，要過隔離添飯，食飯時收到風，大會怕我煮唔掂飯，預左每組5個飯盒，可惜送得遲，食完洗埋碗，係度吹水先送到，最初以為煮飯要計分，所以都擺得好靚咁，博加分，哼！
 

晚上！朋友約埋我食飯提早團年，佢話佢地家人口唔多，約埋我地人多熱鬧喎！

蘿蔔糕

今餐輪到蘿蔔糕啦，放雪櫃留得耐D，唔想有乜特別氣味，唔放冬菇同蔥，所以睇落顏色素D

 

水蟹粥

材料：
米1杯，水蟹2隻，薑、蔥各適量

做法：
1.米洗淨，加入油 和鹽拌勻，醃45分鐘，加入水煲內煮至大滾，轉中細火煮50至60分鐘。
2.水蟹洗淨斬件，加入薑絲，米酒略醃10分鐘。
3.瓦煲燒熱，加少許油把薑絲、蔥絲爆香，加入蟹件略炒，把白粥加入煲內煮至再滾起，加蓋煮10至15分鐘即成。