吞那魚包

這個飽整過好幾次，係跟小花媽做的，每次都係諗住做早餐用，但一焗完出黎，我地一家三口就把它清晒咁制。

材料：牛奶 150 ml，雞蛋一隻，無鹽牛油 30 g，鹽 1 g，幼砂糖 30 g，高筋麵粉 270 g，低筋麵粉 30 g，乾酵母 3.75 g(8個份量)
做法：
1. 把全部材料順次序放入機，按8號制。好快麵糰就拌好及發酵好。
2. 把麵糰壓去氣泡分成8份，滾圓放一旁。
3. 把粟米粒先用滾水略煮，隔乾水，之後吞那魚、粟米粒和沙律醬拌勻。
4. 把小麵糰壓平，把 3 包起，收口朝下，搽上蛋液。
5. 放入焗爐180度，焗20分鐘即成。

 

芥菜心炒瑤柱

係街市見到d芥菜心，好靚，忍唔住買左d，跟住頭痕，只好用瑤柱煮埋一齊啦。

 

材料：
瑤柱2個(加水和米酒蒸軟留湯)、芥菜心(洗淨)3顆、薑1塊、生粉1/2大匙

調味料：
麻油、醬油

做法：
1.薑切絲、芥菜心去粗皮順紋切條(1分3)，備用。
2.起油鍋，芥菜心入鍋過油30秒撈出，放入滾水鍋加入1茶匙鹽煮至軟，撈出。
3.生粉和開水(1:1)調勻。
4.芥菜心入鍋加入瑤柱湯汁煨煮上碟，同一鍋加入瑤柱、薑絲、約100c.c.熱水和芥菜湯，以生粉水勾薄芡，起鍋前加香油，淋在芥菜心上即可

潮州之旅(1)

重陽假期去了3日潮汕，去之前都上網了解各旅行社之行程及價格，由399-1739都有，但！啱日期嘅就只有最平尼間旅行社，早幾年曾經去過汕尾，今次再深入d去埋潮州。



第一天

0815福田口岸集合，全團36人，0850出發，
0915到深圳灣口岸接埋其他團友，1935正式出發，今次導遊是充滿笑容，好有親切感嘅潮州亞妹 QQ，對她第一印象已經好好，旅遊車由沙頭角方向去潮汕，行 " 東部沿海高速 " ，途經大小梅沙，東部華僑城，大亞灣，最後由惠陽駁回 " 深汕高速 " 。
1145到達鮜門泰源酒家午膳，菜式一般，去潮汕的旅行團，幾乎全部都在這裡午膳，1315離開。
1430正式進入潮汕地區—惠來，此團的第一個景點—世鏗院，世鏗院是慈雲閣創辦人林世鏗的億豪華大宅，全院佔地100畝，裡面金碧輝煌，是一間極有潮州特色的民居，1520離開，在往汕頭途中，導遊QQ推介自費活動時間，這個團的自費活動為150元人仔，包括夜遊及宵夜，坐三輪車及享用潮式18碟，因為報名時旅行社有提及這活動係一定要參加，我地見費用不多，大家出來旅行是求開心，值不值得都無所謂，全團都參加，令到QQ 好開心多謝我們。
1820到達汕頭金環南路二八鷗叮老鵝，享用獅頭鵝風味餐，這個晚餐，團友只感菜式單薄一點，但！因為再夜d要去食宵夜就無計，之後我們到南國高城行街，裡面有沃爾瑪，是一個大型商場。
2130去宵夜，這間牛肉店又是所有旅行團指定的宵夜店，這間店的食品非常合我地口味，食完又可以再食，2230回到酒店，今次我們是往在汕頭澄海區的花園酒店，附近無乜商場、食店。

 

 

行左兩個小時到鮜門泰源酒家吃行程上第一餐  " 鮜門海鮮風味宴 " 

 

 

好多團都係幫襯佢，上菜夠晒快，味道都可以，量就....算係剛剛好，多兩個男人就難講啦。

惠來世鏗院
惠來癸潭縣世鏗院。由林世鏗先生投資興建的世鏗院，佔地面積100畝，建築面積一萬平方米，該院三進相依，九座合一，結構嚴謹、佈局合理，景點錯落有致，盡顯民俗建築 "  駟馬拖車 "  精品氣概，院內雕樑畫棟，鑲金啄玉，氣派非凡。大門口攞放了兩台勞斯萊斯豪華房車，更顯豪門氣派。

 

 

1820到汕頭，距離午餐很久即到餐廳食全鵝餐。

 

這裏的獅頭鵝，40蚊斤肉、90蚊斤內臟、鵝頭218蚊斤，全隻鵝為到一千肆佰到一千陸佰元一隻。難怪人地話鵝頭鴨頸，唔係老友唔請。

這們宵夜又係旅行團指定食店

 

 

 

 

 

 

 

 

價錢牌上的名稱到底時甚麼？

 

 

冬瓜薏米日月魚煲豬(月展)

材料：
連皮冬瓜二斤、生薏米二兩、金華火腿二兩、日月魚（約二兩）、紅棗七粒、新鮮豬腱肉十二兩。

做法：
1. 洗淨冬瓜，去核、去瓢，切大件。
2. 洗淨金華火腿、日月魚、豬腱肉，過滾水3分鐘。
3. 洗淨薏米、紅棗。
4. 將材料擺落湯煲內，大火煮滾約15分鐘，轉慢火煲2小時即可，不用鹽調味。

功效：健脾袪濕、清熱利水 、調補臟腑、潤肺益氣。
對腎虛濕熱、精神疲倦有幫助。