社企餐廳—Fantastic Ladies Cafe 悠悶閣餐廳

朋友仔約吃飯，我有啲頭痕去邊度好呢，屋企附近嗰d有點悶，遠又唔想去，朋友就話，誰~誰~誰~去過一間意大利餐廳，好正。亞邊個~ 都系咁話佢好正。咁係邊吖，我唔知啊！我淨系知系洪水橋，行到好入😰 ，咁！叫乜嘢名牙，唔知啊，我淨知係社企
👿 竟然遇到d不負責任嘅人,後來我搵到尼間餐廳，那知道，我竟然坐左係度等左一小時，那班不負責任嘅人才來😖

好在大把位，如果唔系坐咁耐，實比人趕走姐😉

其實而家做社企都唔容易，哈~～由社工構思，下屬去執行，而不是由商人去經營，生意‥‥

哼，要我等你地咁耐先黎到，唔知好唔好食，吾好食，我一定會好嬲😡

這間悠閒閣旨在幫助婦女及青少年投入社會

 

不過服務質素就很參次不齊，有些很投入很稱職，有些就另人失望

 

餐廳環境佈置簡約，人唔多啱晒我地坐咁耐吹足咁耐水

 

跟餐的沙律菜，配上胡麻醬很清新，不過應該是不會轉換款式的

 

餐湯有磨菇湯及南瓜湯比你揀，磨菇湯好足料又很滑，好在牛油味不重，否則湯不夠熱會下，感覺到漏

 

我點的，脆皮德國咸豬膝配點椒汁$118，醬汁調的味道不錯，皮真的很脆，意粉很重蒜蓉味很對我胃口

 

朋友的 安格斯肉眼扖$228 , 6成熟剛剛好，原本怕太生，可能大家應知唔同，朋友們都話下次5成熟好了，he~ ~

 

 

厚切加拿大黑豚排$128，很甜很冧又大大塊，最好是無豬騷味

 

 

焗羊架寶雲酥配薄荷啫喱$168，羊架就很騷，啱晒鍾意食羊嘅朋友

 

 

這裏的凍飲很大杯的，咖啡還是有機的，甜品則蓮花杯，有加一服務費

 

食品大家都滿意有質素，味道亦唔錯，不過出餐就很慢，好在我地是分食的，不然有些朋友仔就會餓親

 

餐廳位於元朗洪水橋洪堤路雅珊園地下7號

電話：2715 8855

雪菜素雞

 

 

 

去上海麵店都是食雪菜肉絲麵，把雪菜跟素雞一起炒，原來都好好味，只是難入味，但！加一點水燴煮，就變得很好味

 

材料：

雪菜2棵，素雞2根，辣椒1根，雞蛋1個，水半碗 

調味料：

花椒油1小匙，麻油1茶匙，胡椒粉少許

 

做法：

1. 雪菜切細丁；素雞一開二，切半圓厚片

2. 燒熱鍋，下油，把素雞抄香

3. 下辣椒及雪菜炒香，再加水煮勻，加蓋煨煮5分鐘至入味

4.  起鍋前加入調味料炒勻即可

 

 

蓮藕淮山煲排骨湯

 

秋天多食養陰清燥的食物為宜，所以煲這個健脾益氣的  蓮藕淮山排骨湯

 

 

蓮藕生食清熱潤肺，熟食健脾開胃，而淮山健脾補肺，降血脂，調理腸胃蓮藕鮮淮山搭配煲湯除滋陰補腎，最大的特點就是湯味清甜，功效清潤，加埋排骨一起煲湯

 

 

 

  

材料：

鮮蓮藕2節、鮮淮山1條，豬排骨1斤，蓮子1把，生薑3片

 

 

做法：

1.所有材料洗乾淨，蓮藕切件；淮山切件

2.把所有材料放入煲，加入適量的水大火煲至滾後，轉中細火煮小時，就可以加鹽調味

臘腸薯仔餅

薯仔好食又飽肚，加埋惹味的臘腸，咸香咸香好味道~ ~

材料：

薯仔3個，臘腸1孖，洋蔥1/4個，鹽半茶匙，麵粉4湯匙，生粉1湯匙，水約8湯匙

做法：

1. 薯仔洗淨去皮，切成細條狀後，沖水再瀝乾

2. 臘腸洗淨放碟上，加上薑絲、胡椒粉、米酒各少許，隔水蒸10分鐘，放涼切粒

3.  把所有材料混合，水要逐次加入，並不斷攪拌，直到所有食材黏結，無乾粉狀

4.熱鍋，下油，匹起一殼薯餅糊放入鍋，鋪平，以小火煎至兩面金黃色即可

金銀蒜蝦乾蒸絲瓜

 

摷雪櫃，見到有包蝦干，即刻清埋佢，用左我最喜歡嘅粉絲，加埋勝瓜，大大碟又好睇，唔錯架，重可以請客用添，係咪~

材料：

絲瓜兩條，粉絲一紮，蝦乾一把，蒜頭十粒，榨菜一茶匙，薑兩片，紹興酒一湯匙

煨料：

鹽半茶匙跟 胡椒粉及麻油各少許，水一杯

調味料：

鹽約半茶匙，糖約四分一茶匙

 

做法：

1. 絲瓜洗淨，刨去硬角，切成骨牌狀；蝦乾略浸泡，瀝幹水分；粉絲浸軟，瀝乾，剪段

2. 蒜頭剁茸，一半下鍋，半煎炸吃至金黃，將剩餘的生蒜蓉加入調味料拌勻。

3. 燒熱油鍋，爆香薑片，灒酒，下煨料，煮滾後放入粉絲和蝦乾，煮至汁液收乾，排放碟上

4. 絲瓜排放粉絲上，再放上炸好的蒜蓉、榨菜粒，猛火蒸煮十分鐘即成

花膠扖冬菇

做節煮婦最忙，但！有些餸就好像燴一燴就可以上枱，he~

它！因為事前準備好，放入冰箱，有需要從冰箱拿出使用即成

冬菇：

冬菇用水略浸軟，剪去蒂頭洗淨，再用水浸至軟，加薑片、糖及蔥煲煮10分鐘後，搾乾水(水留用)，燒熱鍋，下油、薑片、蒜爆香，下冬菇略爆後，把冬菇水倒入煮至淋滑即可

浸花膠：

煲滾水，下蔥、薑、花膠用大火滚20分鐘，待涼後將花膠連水放入雪櫃過夜即成

材料：

己發花膠300克，冬菇6隻，小棠菜4兩，薑、蔥、紹酒各少許

汁料：

雞湯250毫升，蠔油2茶匙，老抽、紹酒各1茶匙、麻油少許，生粉水少許

做法：

1. 燒熱鍋下油，灒紹酒，下雞湯，蠔油、老抽、麻油煮勻，將花膠，冬菇回鑊、燜5分鐘，埋生粉芡

2.小棠烚熟上碟圍邊，中間放上花膠和冬菇即成

蠔油豆腐

 

 

 

 

 

 

材料：

硬豆腐1磚，紅蘿蔔約3匙，荷蘭豆數條，新鮮粟米仔約8條，木耳2朵小，薑4片

調味料：

蠔油2大湯匙，砂糖少許，鹽少許

 

 

做法：

1.  硬豆腐切片；木耳洗淨切條；紅蘿蔔切條

2.  紅蘿蔔，粟米放入滾水中汆燙約1分鐘，盛起瀝乾水

3.  燒熱油鍋，把豆腐炸約1分鐘(可以煎，只要小心散開)

4.  燒熱鍋，下油、薑片爆香，放豆腐，蠔油、水煮至滾

5.  再加入紅蘿蔔、粟米、荷豆、木耳條及其餘調味拌勻，用生粉水埋芡即可

 

 

 

木耳豬柳炒三絲

材料：

豬柳約半磅，新鮮粟米仔約100克，木耳小2朵，荷蘭豆數條，紅蘿蔔半條，蒜蓉2茶匙

醃料：糖半茶匙，鹽半茶匙，胡椒粉少許

調味料：

鹽少許

做法：

1.豬柳切條，加醃料醃10分鐘；木耳浸軟切絲；粟米仔及紅蘿蔔切條；荷蘭豆撒去筋

2.燒熱一鍋水，下鹽1茶匙，先烚粟米仔，盛起，再落木耳絲烚5分鐘至入味，盛起

3.燒熱鍋加豬柳及蒜蓉，炒熟，盛起，再落少許油將紅蘿蔔、荷蘭豆炒香，肉絲、粟米仔、木耳絲回鑊，加調味料炒透即可上碟

 

 

節瓜粟子冬菇湯

用粟子煲嘅湯很好飲，這個湯沒有用肉煲，改用花生覺得特別清甜，我沒用鹽調味，大少都連飲兩碗  he~ 不錯吧！

材料：

節瓜2隻，紅蘿蔔1隻，粟子半斤，花生1兩，冬菇5朵，薑2片

做法：

1. 冬菇浸軟，去蒂洗淨

2. 節瓜去皮，切段；紅蘿蔔去皮，切塊

3. 粟子用熱水煮一下，去衣

4. 把所有材料放入煲內，加水煮至大滾約15分鐘，轉中小火煲2個小時，加鹽調味即可