土多啤梨拿破崙

 

連放幾日假，以為可以做到好多野，放縱自己上吓網，點知

一上網又唔見左好多時間無乜野做到，書又無温到，只係去

過探媽媽，同d家姐飲過茶，同埋幫大小姐開左個銀行戶口。

 

而家係銀行開個戶口要有聯絡信件作地址證明，

小朋友邊有咁多証明文件，咁咪同佢一齊去，排左成個幾鐘先到我地，重要係我前面個兩個學生比個女職員打發走，唔係重要等多等，好在我帶埋出世紙，住址證明都帶多幾份，唔係都甩碌比人打發走，重有一種唔好，新開戶佢係無簿仔架，我啲古老人就唔習慣立。

 

中午個同學仔打電話來約食飯，佢話帶我去食好野，

點知佢唔記得間鋪係邊，結果要由街頭行到街尾。

八完返到屋企又上網巡吓，先醒起買左d材料，

唔做聽日又開始要返工，攪攪吓又夜深了，唉！

時間管理真差，只好草草了事，做左這個士多啤梨拿破侖。

米芝蓮

 

 

大少姐只喜歡食這裏的細蓉，近來多了人來食麵。

原來是得了米芝蓮推介。

這裏保持了舊店鋪搭枱方式的，而且她是有閣樓的。

店家沒有受到推介而加價，應該說近幾年都無加過價。

沿用舊式雲吞在碗底，避免麵條浸太耐變淋，湯頭味道唔錯。

這裏的裝修同其他店舖好大不同，只因店家的麵是自制的，

當然要劃個位攞放來賣，不然有點忘本啦。

這幅牆壁廣告都有很多年了，記得我好細時佢已經存在。

現代人只會是麵就是麵，最多懂粗幼，那裏會分幾多種，但，

見這個招牌，你會發現以前嘅人要求都好高，並會顧慮到素食者的需要。

而我則喜歡另外一家尼泊爾店，她賣的是地道尼泊爾菜，

顧客多是尼泊爾同鄉，只有老闆可以同我地溝通到，最喜歡右邊尼個汁，混有乳酪，沾小小好了，因辣度很強勁。

未到晚餐，但有點餓，行過這間只有外賣嘅日本食品店，

之前和同事吃過，大家都認為抵吃，咁買一點返去做下午茶，

但，佢係即叫即造，結果，我地要等一個小時才可以帶走。

品種都有好多，咁多人幫襯，我諗......

一定新鮮拿掛。

到左晚上都唔覺肚餓，買左個餐比大小姐，自己繼續上網唔煮飯。

如何減磅尼

唔知點解，每次想減磅，總係好多誘惑特別多野食，

而我d同事總係話吃埋今餐先減啦，但，

好像食極都重有。

他們不知怎的，總是有好多吃野嘅理由。

幻彩明珠—聽同事講得多，就點這個，老板請嘅糖水。

有位同事拿手砵仔糕、粉菓，今次佢就示範點做。

返外家，亞妹有個椰汁桂花糕，同意大利芝士蛋糕

係雪櫃，咁當然唔於過佢啦。

大少生日，不過已經過左好耐，係我同大小姐係銀行無聊時傾起，

先記得，過左都好過無做，舊年重要到父親節先醒起，真陰公。

潺菜肉片鹹蛋湯

 

潺菜有滑大腸功能，小朋友吃得熱氣野多，最好飲佢。

潺菜富含維生素，鐵質，纖維，可以預防濕熱，真係可能飲多d呀。

薯條奄列

如果你係麥當當食剩薯條，你會點？

我會放冰格，留番煮餸。

材料：
煙肉2條、薯條1份、洋菇5顆、牛油1/2大匙、蛋4顆、生粉1/2碗、芝士片4片

調味料：
番茄醬、黑胡椒粉

做法：
1.將煙肉、薯條、洋菇切丁。
2.起鍋，放入牛油、粟米、煙肉、薯條、洋菇、黑胡椒粉下鍋炒勻。
3.接著倒進蛋液中，再加入芝士片混合拌勻。
4.起鍋入油加生油，下鍋將蛋煎成奄列蛋。
5.起鍋炸薯條，加入海鹽調味，放在奄列邊與番茄醬搭配食用即可。

銀芽韭黃牛肉絲

銀芽韭黃牛肉絲

 

材料：
牛肉絲100g、銀芽150g、越式春捲皮10張、韭黃50g、榨菜75g、紅辣椒1根、蔥5g、薑5g、蛋1顆、生粉1大匙

 

調味料：
蠔油1大匙、米酒1大匙、香油1大匙

做法：
1.牛肉逆紋切絲、韭黃切小段、榨菜切絲、紅辣椒切條、蔥切段、薑切末

2.碗放入牛肉絲，加入全蛋液1/4量、少許生粉、少許米酒醃拌。
3.起鍋熱120℃油，將醃料下鍋過油後瀝出。
4.起滾水鍋，加入2湯匙鹽、少許油，再將銀芽入鍋汆燙30秒後撈出瀝乾水。
5.同上鍋乾炒爆香蔥段、薑末、辣椒絲，再放入銀芽、走油牛肉醃料拌勻，加入蠔油、米酒、少許香油調味，大火快炒均勻即可起鍋。

利用越式春捲皮包炒料吃，咁樣又會好方便。

煙肉茄子

食材：
煙肉10片、聖女蕃茄20粒、炒香白芝麻、芫茜1大匙、蒜茸1茶匙、生粉少許。
調味料：
蠔油1大匙、香醋1匙、味醂1匙、米酒1匙

做法：
1.起鍋燒熱油，將聖女番茄切除蒂頭，下鍋油炸剝去番茄皮，備用。
2.煙肉切半段，捲入去皮番茄，再沾裹生粉用手捏緊，用牙籤固定住備用。
3.醬汁：起鍋，將調味料(蠔油1大匙、香醋1大匙、味醂1大匙、米酒1大匙)下鍋煮滾後收汁。
4.起油鍋，將番茄培根卷下鍋炸2分鐘，撈出瀝油。
5.同醬汁鍋，加少許水、蒜茸煮滾，將炸過番茄煙肉卷放入鍋內與醬汁結合拌勻即可。
6.將番茄煙肉卷抽出牙籤後盛盤，最後灑上白芝麻。

德國咸豬手

德國鹹豬手有新食法，當佢冷盤咁比熱水燙熟。

起出肉切片，骨頭再繼續煲，加入豆腐同紫菜，咁就一餐。

香橙咕嚕魚塊

最近d青紅黃椒真係貴到，亞媽都唔認得，

都唔知遲d重會唔會加價。

咕嚕骨大家食得多，咁咕嚕魚食過味，

其實都係咁做，只係用龍脷柳代替肉，用橙代替茄汁，

咁樣清清地，唔會蓋過晒魚味姐。

材料：

急龍脷柳2條，青、紅、黃椒各半個，洋蔥少許，橙1個，雞蛋1個。

 

調味：

橙汁3湯，檸檬汁，香橙果醬各少許。

 

醃料：

鹽、胡椒粉。

 

做法：

1.魚柳解凍，洗淨抺乾，用醃料醃20分鍾；青、紅、黃甜椒洗淨去瓤切角。

2.橙洗淨切半，一半榨汁，另一半起肉切件。

3.蛋發勻，魚柳沾上蛋漿，再沾上適量生粉；於滾油中炸至金黃熟透，放入青、紅、黃甜椒角，全部盛起瀝乾油分。

4.白鑊加入橙肉，再加入調味料煮滾，埋薄芡魚塊回鑊，炒勻即可上碟。

雙檸生菜包

尼幾日回南天，間屋好快會出水，但因為個人係屋內會活動，

大少唔準開抽濕機？因為嘈，要等無人先得，

真係比佢激死，佢以前小係屋企，我不停咁開都係咁話啦。

 

 

 

大小姐好鍾意生菜包，平時叫佢食多d菜都唔很，

尼個餸可以混入多d蔬菜，唔使叫佢都吃，唔使煩。

材料：生菜1個，青檸2個，豬肉碎300克，辣椒2隻，蒜3瓣，檸檬葉2大片，蔥。

醃料：魚露1茶匙，糖、麻油各1/2茶匙，豉油2茶匙，生粉半茶匙。

1.將生菜完整地撕出一塊塊菜葉，修剪形狀，清洗後隔乾水；檸檬葉切碎；辣椒切碎；蒜切碎。

2.豬肉加入生粉、糖、麻油、魚露和豉油拌，醃5分鐘。

3.易潔鑊中下豬肉碎炒至白，加入蒜茸和半份辣椒炒至熟。

4.加檸檬葉碎再炒一分鍾，最後榨入青檸汁拌勻，將肉碎以生菜盛起包吃即可。

七味粉燒鯖魚

做鯖魚真係好簡單，但因為它有一點腥味，所以用些生抽、味琳、胡椒粉、米酒、薑汁、七味粉醃一醃，待吸收好味道後放入易潔鑊煎至熟，即可上碟晒上七味粉即成。