大年初一

大年初一  祝大家家和萬事興！五福臨門！財源滾滾來!!!!
初一習俗吃齋，好多吃長齋人士，不會吃我這種用蒟蒻做的假齋。he he 無法啦。就自己方便，買返黎就咁加熱食得。

今餐都好好餸架，有紅皮燒肉。

半邊乾煎蜜糖雞

日式燒鰻魚

北貝蟹柳
 

鮑汁遼參

素翅

來個大合照吧!!!!!
香港己經有好多現成齋品，因此加上調味即成，真係齋菜無難度。

 

不過下年都係盡量整返D原始齋好了，特別係海參，無乜味道的。

年糕

用有皺紋的—年糕和大家預祝  新年快樂
龍年龍馬精神！心想事成！身體健康！工作順利！
越黎越靚！學業進步！快高長大！日日笑口常開！

材料：
糯米粉340克，澄麵170克，片糖180克，水510亳升，生油2茶匙，紅棗1粒。

做法：
1.用水煮溶片糖，放涼。
2.糯米粉和澄麵拌勻。
3.將糖水分幾次加入粉中，慢慢混和攪拌。
4.加入生油。
5.成了糊狀後，用篩隔去未溶的粉。
6.先把油掃在蒸盤內，再把糊倒入，加鍚紙係面，用中火蒸約75分鐘即成。




年糕顏色會因為片糖而改變，今年用黑糖/原糖(右邊)，這種糖只會在11月~3月在市面有售，之後只可以買左邊一種啦。

有一點要留意呀，原糖會苦，同埋唔甜架，所以我有加入1片紅糖下去，咁樣有色又有甜啦

最後一點，記得加張錫紙係面啊~ ~，別好像我忘記了，變作皺紋啊。=_="

　

今年這個配方比舊年那個硬好多，而用黑糖睇起來真係黑好多。但！唔明我用黑糖成本好貴，相比起街賣果d黑到好似炭咁淺左d，佢地係唔係加左黑色素架？？

豆沙角

上年研究馬蹄糕失敗，終於今年成功。
今年又要進步踏足多一樣食品  " 豆沙角 " 可惜....失敗左。

但！都食得嘅，出年會再試多次。he he

合桃粟子豬骨湯

粟子肉1斤、合桃肉半斤、黑豆、蓮子、紅棗各50克、蜜棗 3粒、黑芝麻5克、生薑3片。

雞腳半斤、豬骨1斤。



做法:
1.合桃肉放入白鑊炒5分鐘，取出；粟子放滾水汆5分鐘即可去衣。
2.開大火燒熱鑊，下黑豆炒至裂口，加入黑芝麻炒香，盛
起。
3.豬骨用滾水煲5分鐘，盛起放水喉水沖洗乾淨；雞腳汆水，盛起，備用。
4.煲滾水，放入豬骨、雞腳、合桃肉、栗子肉、黑豆、黑芝麻、紅棗、蓮子、蜜棗、生薑，冚蓋以大火煲滾
後，轉中火煲3小時，加鹽調味，熄火即可。

團年飯

而家街市越黎越多人，真係針都插唔入，
越近新年d野越貴，所以提早做團年。

 

預備兩個涼拌菜—拍青瓜

陳醋雲耳—咁樣開胃又可以節省同時間煮小個菜的麻煩。

先黎個—合桃雞腳湯，夠滋潤補腎。

 

 

雞—用鹽醃好，浸熟上碟，相都未影已經比人偷左幾件。he he

好耐無食嘅，冬菇蠔豉發菜—祝大家好事齊來

西蘭花帶子—簡單易整又好味。

酥炸生蠔—加埋七味粉，脆脆表皮食到點點辣，內裏軟冧冧，好味。

無乜魚買，只好買鱸魚返黎，用薑蔥蒸魚。

食完一餐咁豐富，剩左嘅聽日又黎過。呵~ ~

炸腰果

老同學打電話比我問試過用鹽炒腰果未????，聽過，但！未試過。咁佢話會試，成功通知我。
 he he ！見雀后同其他人炸腰果，引到我即去買返黎炸。

轉個頭，老同學好開心咁把成功嘅生炒鹽腰果給我送上門，好在這一輪都係屋企包角仔，唔係無得回禮真失禮，一包角仔換左樽腰果，好抵呀。

哈~ ~ 而家屋企有好多腰果，哇！真開心呀。

笑口棗

簡單又容易嘅笑口棗

麵粉175克，發粉2茶匙，沙糖75克，豬油1湯匙，和暖開水約6湯匙，白芝麻1杯。

做法：
1.將麵粉及發粉篩勻圍一圈，圈中加入和暖開水及沙糖略拌，再加入豬油後，搓成軟滑粉糰，靜置半小時。
2.將粉糰搓長，切成24小粒，搓圓，掃濕後後再沾上一層白芝麻，搓圓。
3.燒油至七成熱，離火，放入笑口棗，炸至笑口棗爆裂及呈金黃色，盛起，瀝乾油即成。

蘿蔔糕

輪到蘿蔔糕出場啦，係我家最愛歡迎的糕點。

羊肉湯

天氣總的來講都唔係好凍，大少自已動手煲左個羊肉湯，
因為羊肉是他的至愛。

 

熟地、當歸、北芪，圓肉、杞子加埋用紹酒出過水嘅羊肉
燉佢2個鐘就搞掂架。




如果你怕燥，唔好用熟地，改為用大生地咁就唔會燥架啦。

荃灣

荃灣，因為上堂，順便周圍睇睇。記得第一份工作就在荃灣，那時地鐵快要建成，果時西樓角道d木屋(車站位置全部都是木屋區)，重未完全收晒地。

大河道最多美食，這間粥店己有好多年，我好鍾佢嘅油炸鬼好好食架。

價錢比海X粥店相宜，油條4蚊，炒河、炒麵都係7蚊。

而且佢重有菜乾粥買，好多地方都無左了。

老式鋪頭多數係咁，醬料任你加到夠為止。

隔離有一條福來邨，而家算黃金重地，環境唔錯。

可能凍，唔係好多人係度做運動。

哈！咁樣番新都好方便喎。

唔怕滴油，好體貼喎。

尼個屋邨都好接受新野，但又真係油得唔錯。

初時好奇怪，我無睇錯馬，點解會有蕃茄，咁個個都可以...........。

原來係一個社區園圃種植計劃，但d收成會點尼。

係咪無乜肥田料尼，咁小蕃茄，重有到幾時先會紅尼。

中午周圍揾野食，經驗話人多地方會有好野食。

原來係魚湯泡飯或者麵，咁多人等位，就試尼間。

招牌魚片麵—坦白講都好腥，而且吃完有點口乾，

經驗話比我知，大師傅跳埋落去煮。

尼個加$5加蕃茄嘅招牌魚滑泡飯，都無乜驚喜。

等上堂時間，好無聊咁拎人地嘅野來玩。

落堂就去左打邊爐。

尼度都唔錯，下面D蝦係無限量供應，

叫一碟就係一碟滿滿嘅，而且無時間限制。

等一次試食雞子，無乜特別，同豬潤差唔多口感，

係屋企真係唔會買。