泡芙

好耐無整甜品，新年時巡左好多blog 又睇左好多書都同甜品有關，
有d手痕痕，整左幾樣野，he he 太耐無整，整得麻麻地，
有d重要整幾次先叫做見得吓人，希望唔好嚇親大家。

 

泡芙材料：

低筋麵粉 120g、牛油   90g、鮮奶   140g、全蛋   5個、砂糖   10g。

做法：
1.將鮮奶加入牛油與砂糖放入鍋中煮沸，接著將低筋麵粉過篩後倒入混合均勻

2.鍋子繼續加熱，邊用木杓不停的攪拌使鍋內的油水與麵粉拌勻，一直加熱到麵糊能與鍋底分離的程度，即可熄火拿開鍋子

3.將全蛋分多次加入煮好的麵糊中用攪拌機攪拌，一直拌至提起麵糊時能以光滑的三角形狀滑下的狀態即可

4.將拌好的麵糊放入擠花袋中，擠約5元硬幣大小的圓球至烤盤上(或擠成長條狀也是可以喔)，每個圓球間要間隔距離，接著放入焗爐中以200/200的溫度烤25分鐘(記得焗的過程中不可打開門，否則溫度一下降泡芙皮就不容易發了!!!)

5.將烤好的泡芙放涼備用

內餡用：

速溶吉士粉  150g、鮮奶   500g

做法：

1.將速溶吉士粉加入鮮奶攪拌均勻(會越拌越稠)就成為奶油內餡啦
2.將拌好了內餡放入擠花袋中，分別擠入放涼的泡芙中即成。

變化
可以在完成的泡芙表面再淋上融化的朱古力，等放涼朱古力凝固後就是朱古力脆皮泡芙囉~~

好容易就填滿個泡芙啦，he he ~ ~

來影個靚仔相先

但好像欠點東西？完來忘了灑上糖霜裝飾~ ~



做這個東西真磨人，做幾次有經驗，哈....似模似樣，
呀！提提大家要快d食，唔係會冧架。

辣炒螺肉

 

 

材料：
雪螺肉400g(洗淨)、乾辣椒半杯、花椒粒2湯匙、薑末1湯匙、蒜茸1湯匙、蔥花2支。
調味料：
雞粉1茶匙、糖1茶匙、醬油1湯匙、米酒2湯匙、辣油1湯匙、生粉水1小碗。
做法：
1.起水鍋，將雪螺肉入鍋汆燙30秒，即撈出瀝乾。
2.起鍋熱油，爆香薑茸、蒜茸、乾辣椒，拌炒至香變褐色後，再加入花椒粒翻炒至香味溢出。
3.同上鍋，放入汆燙過的雪螺肉拌炒，關火後加入2茶匙雞粉、1茶匙糖、2湯匙醬油、2湯匙米酒和少許的水，再重新開火，翻炒至入味。
4.最後以1湯匙生粉水分幾次勾芡，淋上辣油拌勻，灑上蔥花即可盛盤。

情人節

情人節心思思，做左個簡易餐一家三口食。v(￣︶￣)y

先黎個罐頭忌廉粟米湯加埋蒜茸飽。＜（￣︶￣）＞

跟住黎個巴馬火腿伴天桃，相中只有三片，
因為其他一早落晒大小姐個肚。(˙_˙)/

再黎個煙三文魚青蘋果柚子沙律開開胃先。(=^_^=)

跟住係主菜啦 啦~ ~ 係雞扖~♪(*￣∇￣*)

主食係  香蒜扁意粉(ー_ー;)

甜品部份係由大少姐主理嘅馬卡龍，但！只有一個可以出鏡，
重要係焗到黃左，因為其他都焗爆左個面。(^o^哇)~~(^0^)哈~~(^○^)哈~~

食緊晚餐時同大少講，點解無情人節禮物，啍！><大少竟然講：一定要有嘅咩。◎−◎？

食完飯睇埋電視成9點幾 ，大少落街買馬報，
返黎竟然帶左枝玖瑰返黎。╮（╯＿╰）╭

問佢點解會買，佢話驚半夜比人踢落床喎。 (*￣∇￣*)v

我的火鍋—羊肉煲

已經立左春，但！天氣時凍時熱，過幾日又凍過，繼續打邊爐，
今次係羊腩煲打邊爐，he he ！
我用左紐西蘭羊仔腩，如果黑草羊一定蘇C我。



 
食尼個係大少好喜歡羊，咁要就吓佢，
街食真係無幾多舊，自己煮料多價錢實為。

羊腩先出出水，用白鑊煎至金黃有香氣盛起。

用煎完羊腩出來嘅羊油，爆香草果，桂皮，八角，薑片後，
加入蘿蔔略炒，加入水燜至蘿蔔略軟。

蘿蔔略軟羊腩回鑊用蠔油、紹興酒燜至羊肉冧即可加入枝竹即成。

加埋藍菜就完美立。哈~ ~ 賣幾錢好？？

吃埋個羊腩煲唔夠喉，加D麵同丸丸，咁一定飽晒立。

 

最後吃個清補涼潤一潤佢先。

糯米蒸排骨

 

1.把排骨1斤用生抽1茶匙、生、熟蒜蓉各1茶匙、生粉2湯匙、
雞粉半茶匙，胡椒粉少許醃好。

2.糯米浸一晚水，置在鋪有微波爐保鮮紙碟上。

3.鑊燒熱滾水，放入糯米隔水蒸20分鐘。

4.把醃好排骨置糯米上，再蒸15分鐘，取出反轉上碟即成。

FOX'S 玻璃曲奇餅

用Foxs糖整曲奇，都幾難，開始幾次都唔靚，焗得太耐。

只好降低要求，個餅不求金黃色，咁情況好好多，下次個餅再焗多2分鐘先加糖，
咁可能調較到糖色又靚個餅又金黃。

魚香烘蛋

魚香烘蛋是一個川菜

材料：
豬肉碎80克、木耳1片(切小丁)、雞蛋3顆、薑茸1湯匙、蒜茸1湯匙、蔥花2支、上湯100c.c.、生粉水1小碗 。

調味料：
辣豆瓣醬2湯匙、酒釀1茶匙、味醂1/2湯匙、醬油1茶匙、香油1茶匙。

做法：
1. 起鍋不入油，放入豬肉碎煸出油，接著放進薑茸、蒜茸、蔥白爆香，接著加入木耳、1匙油、辣豆瓣醬1湯匙、水100cc、酒釀1茶匙、味醂1/2湯匙、醬油1茶匙調味拌勻，最後入1湯匙，生粉水勾芡成醬汁備用。
2. 蛋液：打入蛋液三顆，再加入生粉水1湯匙打勻。
3. 起鍋入1杯油，油稍微冒煙即可將蛋液倒入鍋中，澎起成金黃色後，盛出，在翻面入油鍋中，將1/2倒回鍋中，兩面都金黃上色後，即可將烘蛋盛出。
4. 最後淋上魚香醬汁在烘蛋上，灑上蔥綠即完成

團拜and 探BB

大少小學同學每年都最小會聚一次，今次有雙重意義，
因為有位同學剛剛做了爺爺。

真係恭喜他，噢！好像無幾耐之前才參加他的婚禮，
時間過得真係快，想唔認老都唔得。

小狗狗 啤梨

每年都係一位住村屋同學天台BBQ，因為地方夠大先可以容納得晒我地馬。




而屋主都好客氣準備好多食物招呼我地，我地咁多人又真係辛苦晒佢地。

睇吓有乜野食。

 

大家都唔會客氣一早開動啦

重有甜品同埋糖水添。

BB出世只有三個星期，
所以重有豬腳薑提供添，唔...好味 好味，吃埋今餐，又肥幾磅 he he 。

初一 十五—中國情人節

好快又黎到十五，煮個酒讓桂花湯圓。

祝大家甜甜蜜蜜，團團圓圓。

蘿蔔排骨湯

材料：
排骨半斤、白蘿蔔1斤、蔥段1棵、芹菜粒約50g、雞湯500cc、薑片4大片、 冬菜1湯匙
調味料：
鹽2茶匙、胡椒粉1茶匙
作法：
1.將白蘿蔔削皮，切對半，再切滾刀塊備用。

2.起一鍋滾水，下排骨汆燙去血水，撈出瀝乾備用。

3.起一鍋滾水，下做法2、做法1、薑片滾5分鐘後，
撈除表面浮泡轉中小火煮30分鐘，續下蔥段、冬菜、鹽拌勻。

4.取碗，下芹菜粒、胡椒粉，再盛入做法3即可。