無無聊、金沙遊

之前跟朋友去左澳門一趟，中午坐金光飛航，配合這船公司名字，今趟旅程是兩光的。因為好失敗，忘記帶相機，手機又無乜電，諗住週圍行吓、食吓野都好啦，但！因為成日都落雨，只好留在酒店睹場，其他人去睹枱，我只好去拉老虎機吧！(唔好跟D有睹性嘅人去旅行)，只是走前食左餐好D嘅，今次行程只有食同瞓，怕且係最Hea一次 ，相又無乜影，行程又無乜，所以兩光   哈~ ~

友人話無論如何，一定要黎尼度食飯，講到好好，咁當然要聽吓佢話啦。

但！結果，D野無黎紋味，又或者好咸，浪費晒D食材，以個清蒸蒜茸開邊大蝦為例，各位你地點睇個賣相尼 ，食完心諗，把鬼囉！你D口味咁架

之後行無幾耐見到尼間鋪頭，見佢D價錢唔貴，個肚又唔係好飽，話不如食個甜品啦，下面尼個係我嘅，佢份量都好足  我只係趙左一半乍，尼間我要大力推薦

第二朝係中庭食早餐，重有民    舞睇添(一早就要表演，都幾辛苦喎)，食完再去眠一眠。

返香港前，吃左個美味午餐，地點......呵~ ~自己無留意叫乜野名。露筍三文魚沙律，美味，磨菇湯很濃，但！咸左D...... 主菜揀左和牛及牛面珠肉，甜品係意大利芝士，好彩個餐 相當 滿意，咁就完左個假期，返香港又要捱過世界啦

肉片飯

打邊爐好多時要預多D野食，咁有剩D餸都幾頭痛，今次拎D豬肉片黎整個惹味菜式，份量唔多一個人食配個白飯，正到痺。

 

 

材料:火鍋肉片 、蒜苗1根、蒜茸5g 、薑茸5g 、辣椒片5g 、辣椒粉1茶匙、麻油1茶匙

調味料：
米酒1湯匙、糖2茶匙、沙茶醬1湯匙、照燒醬2湯匙

做法:
1.蒜苗切段。
2.取碗下沙茶醬、照燒醬、薑茸、蒜茸、豬肉片拌勻備用。
3.取一平底炒鍋，下做法2煎至熟香後，下蒜苗炒香後，起鍋前下辣椒片、辣椒粉炒勻，淋入米酒，蓋上鍋蓋燜熟即可上碟。

火鍋湯底—咸豬筒骨煲

天氣涼最好打邊爐，出街食無咁多花臣，有都唔平，發揮C9本色，自家制作咸豬筒骨做湯底，好味足料過出邊十倍， 豬骨用鹽醃過，多重咸香味

先把2條豬筒骨出水，加2茶匙粗鹽擦勻豬筒骨，醃佢一晚，第二日洗淨放滾水中煲1個小時，再加入粟米1條，紅蘿蔔1條，節瓜1條滾15分鍾即成，這個煲D料頭食完都唔使點食其他都飽晒

鮮蝦粉絲煲

 

天氣凍凍地，最好就係用煲仔上枱，咁樣食取後都重伙暖暖地 

材料：
蝦半斤、粉絲(泡軟瀝乾)2把、洋蔥1/4顆、蒜茸1湯匙、紅辣椒1支、芹菜2支、牛油2湯匙、椰漿6湯匙、上湯100c.c.。

調味料：
咖哩粉1湯匙、米酒2湯匙、魚露1湯匙、雞粉1茶匙、鹽適量。

做法：
1.洋蔥去蒂切絲、蒜拍碎、芹菜切段、辣椒切斜片備用。
2.起滾水鍋，加1匙鹽、雞粉，放入粉絲滾煮約30秒，撈起放入碗中加蓋燜。
3.將上湯加適量水回熱，備用。
4.蝦放入高溫油鍋炸30秒(約3分熟)，瀝出備用。
5.起鍋加適量步驟4炸蝦油，爆香蒜末、洋蔥、辣椒後，加進咖哩粉、芹菜段炒香，再倒入高湯、蝦子和1茶匙魚露煨煮收汁。
6.放入粉絲一起拌煮，加蓋收汁後，再加入椰漿和1湯匙牛油混合拌勻。
7.預熱砂鍋，熱1湯匙牛油，將步驟6料倒入砂鍋中，蓋上砂鍋蓋，於鍋邊嗆入米酒即可。

炸蕃薯

炸蕃薯真係好耐無食，算是兒時回憶，係Blog友仔翠兒度見她炸蕃薯，咁買開蕃薯，就買多個用酥炸粉黎炸，好好味呀

日式咖哩一口牛

百X超市有時都有好抵食安格C牛肉粒賣，今次配個日式咖哩，平時會用紅蘿蔔薯仔，今次配蕃薯貪佢當造，又粉又甜，另到整個餸都甜甜，香香好味。


我嘅做法都好簡單，只是把蕃薯炸至表面金黃，盛起；牛肉粒四面煎香，蕃薯回鍋，加1碗水，把切碎日式咖哩加入，略煮片刻即可上碟。

木瓜B

木瓜，是同事老公個兄弟親手種的





同事老公個兄弟親手種左好多木瓜，同事分發左2個比我，但！當時太生啦，煲都唔得，最啱做酵素，準備好工具同材料，一切開，發覺木瓜成熟得好快，但！質地好柔軟，感覺到個木瓜全熟成時一定好甜。

上次做提子B好甜，今次釀制，冰糖份量減少左10%，睇吓味道點先，可以的話下次再減冰糖份量。

木瓜用左3日時間把糖溶化，見到有細細個氣泡  ，直到14日木瓜b泡都唔係好活躍。

需然木瓜切開左，但！見到木瓜個色繼續增加梗，而且，到最後重好深色添，拎木瓜片黎食，真係好似蜜餞咁架。

木瓜B個色澤呈琥珀色、氣味有點淡像煲完湯個感覺、味道係單純得像糖+水一樣，同同事分享，大家都話吸引性不及提子B，但！有人話無酒味尼點好

據講木瓜B有消滯、潤肺、幫助消化蛋白質功效(對減肥好有效)。

沙嗲雞腿排

材料：
雞扖2件、薑茸1湯匙、白芝麻適量、芫茜梗碎2湯匙。

調味：
蠔油2湯匙，米酒、沙爹醬、沙茶醬、麻油各2湯匙，糖1茶匙。

做法：
1. 將雞扖劃刀切細件，將雞皮朝下，放入鍋煎至酥香後，太多雞油可以倒出，下薑茸爆香，加入沙爹醬及沙茶醬爆香，加入少許水份，蓋上鍋蓋煎至熟。
2. 加入芫茜梗後，淋入米酒燒宗煮收汁即可上碟，灑上芝麻。

芋頭燜油鴨

芋頭切件，用油炸至金黃；油鴨肶用熱水汆過後暫件，用薑蔥起鑊加入芋頭及油鴨件，加水及少許酒、糖燜至芋頭冧，加入椰汁同埋花奶略煮就搞掂，係唔係好方便尼。

士多啤梨Muffin

材料：
牛油50克，砂糖50克，蛋1隻，牛奶50克，低筋麵粉120克，泡打粉4克，入爐朱古力適量，士多啤梨醬。

做法：
1.低筋粉加入泡打粉過篩2次，雞蛋打散。
2.牛油室温放軟後加入砂糖打打至軟滑，加入蛋液拌勻，再加入牛奶拌勻，最後加入低筋粉略拌幾吓，再加入朱古力粒及士多啤梨醬。
3.放入己預熱 180度焗爐焗25分鍾即成。

接著我又來做藍梅口味，不過今次效果差d，因為我把藍梅全部水份都加入太多，以致發不太起啊！