日式麵包班(二)

 

 

這堂學整 "南瓜杏仁合桃包" 同埋 "鑽石皇冠包"  

 

 

 

 

因為同學仔蜘蛛妹妹有野做，上唔到堂，我幫佢做埋，要抱住一堆包走^V^

 

蜘蛛妹妹一向小烏胃，而D白老鼠唔知做乜，都唔食，

今次我食左一星期先清得晒 (ー_ー;)

 

 

黑木耳紅棗煲豬肉

黑木耳2朵，紅棗10粒，薑4片，豬肉半斤

黑木耳浸泡，紅棗去核後，把所有食材放入鍋中加入適量清水，用大火煲至滾後半小時，轉中小火煲約1小時即可

這個有養心益氣，通調血管，帶走血管中油脂作用架

三文魚炒飯

 

久不久街市凍肉店有三文魚骨賣，因為唔係日　有得賣，見好多人買，我又買  hehehe ~

買完先諗煮乜，決定做炒飯！

 

材料：

三文魚骨一份，白飯一碗，生菜二片，蛋一隻，蔥花適量

 

調味：

米酒1湯匙，鹽、胡椒粉適量

 

做法：

1.燒熱鍋，白鍋放入三文魚骨煎出油及變金黃色，盛起折肉

2. 利用三文魚的油加入蛋略炒後，加入白飯，炒香

3.將三文魚搗散後回鍋，加入鹽及切碎生菜拌炒即完成

 

 

青木瓜炒豬頸肉

 

 

 

材料：
青木瓜半斤，豬頸肉半斤，蔥段1棵

調味料：
鹽半茶匙，米酒湯匙，白胡椒粉適量，麻油少許

做法：
1.先將青木瓜去皮後切絲，並用清水沖洗
2.豬頸肉切成幼絲
3.燒熱鍋，加入豬頸肉絲炒至金黃色，再加入青木瓜絲、米酒、白胡椒粉炒至青木瓜絲略軟及豬頸肉絲熟，放入鹽拌勻，再放入麻油即可上碟

日式麵包班(一)

 

又上堂啦，今次學整日式麵包，這個  香草蒜蓉芝士蕃茄包  包好軟好香，好好食呀，上面係亞Sir 整，下面幾個係我整  hehehe~  都唔差吖  哈~ ~

 

這個  香蒜煙肉包  味道相當唔錯，上面係亞Sir整，下果個肥啫啫係我整架^V^

三杯鮮魷

 

 

係街市見到D魷魚仔好新鮮，無諗過點整就買左返黎， 咁！

就用台式三杯方式煮啦，凍凍地，放多D薑，甜甜地、辣辣地，

幾好味！！！

高麗蔘鹿尾巴燉烏雞

  

 

天氣一下子暖暖，一下子冷冷的，真的受不了，要燉一些湯品，把人暖起來

 

 

用烏雞、巴戟、川斷、白芍、北茋、高麗蔘同埋鹿尾巴一齊燉四個小時即可飲用，冬天飲暖呼呼湯水，但！受不了補的人不要飲太多啊！！！

 

豆醬雞

 

 

 

亞視真係無得頂，有個台叫做  歲月留聲  一開始好流，重播D舊片，重要係好舊都有，無意中有次轉台，見佢重採播方太廣場，嘩！這個陪著我長大嘅節目，而家睇番成廿年前嘅，而家一樣流行，早幾日見佢煮豆醬雞，佢用潮州豆醬煮引到流晒口水，我加入左節瓜，呵~ ~  好味！！

 

 

 

茼蒿蛋餅

 

 

 

材料：茼蒿8棵，麵粉60克，雞蛋2隻，白芝麻1湯匙，水100毫升

調味料：麻油1茶匙，鹽1茶匙

做法：

1.      茼蒿洗淨，入滾水鍋人汆燙約1分秒，撈出擠乾水份，切碎

2.      麵粉加入水中攪勻，再下打勻雞蛋，鹽、胡椒粉攪勻，加入白芝麻及1拌勻

3.      在易潔鍋中加入麻油抺勻，倒入2鋪平，蓋上鍋蓋用小火煎至兩面金黃即可。

 

 

芥菜粟米湯

 

介紹個可以清熱袪燥、清潤補益嘅 芥菜粟米豬肉湯 比大家飲

芥菜一大個、粟米2條、蜜棗3個、豬骨半斤、生薑3片

將芥菜、粟米切段，所有材料一齊入煲，先用大火煲滾 煮15分鐘，轉中細火煲2小時即可。

 

香芋滑菇煲

 

 

好凍啊！這個時候食煲仔菜最啱！！

 

 

 

材料：豆腐一磚，雞脾仔一盒，芋頭一斤，芹菜1棵，薑蓉1湯匙

 

調味料：鹽1茶匙，糖1茶匙，胡椒粉適量

 

 

做法：

1.芋頭去皮切塊放入鍋，隔水蒸至熟

2.雞脾菇切成小塊

3.豆腐切成厚片

4.燒熱鍋，把豆腐煎至香，取出

5.下雞脾菇煎至金黃色，盛起

6.再下1芋頭煎至表黃金黃色，加入薑蓉炒香，5及4回鍋，加入一杯水及調味料，加蓋煮分鐘後，撒上芹菜碎後倒砂鍋即可