太陽花—四季豆

 

 

 

把四季豆炒雞丁外形略作轉變，小朋友會很喜歡。

松子3湯匙用白鑊慢火炒至鑊底出現油光，即可盛起；

四季豆撕去根洗淨切粒；雞胸肉切細丁，

加入蛋白、粟粉、鹽各少許拌勻待10分鐘，用油泡至七成熟盛起；

燒熱鑊，下薑茸、蒜茸各1湯匙炒香，加四季豆略炒後，

加3湯匙水加蓋焗一吓，下蠔油2湯匙，

雞肉丁回鑊，炒勻後上碟、灑上松子，用薯片圍邊。

 

 

 

 

泰式椒麻雞

需然早幾日立左秋，但受莫拉克影響天氣依然好熱；

無乜胃口，想到炸雞配個醒胃嘅泰式醬，酸甜又微辣嘅醬，

其實個醬可以配炸魚、烤豬頸肉、白灼牛肉都得。

 

 

泰式椒麻雞

 

材料：去骨雞脾 2隻、番薯粉 少許

醃料：雞蛋 1粒、雞粉 1/2小匙、糖 1小匙、胡椒粉 少許

調味料：泰式雞醬(泰式甜辣醬) 3大匙、檸檬汁 3大匙、芫茜 少許、蒜茸1大匙、糖 1大匙、魚露 2大匙、辣椒茸2大匙

 

做法：
1、將雞脾加入雞蛋、胡椒粉、雞粉、糖拌勻，醃15分鐘。
2、將少許芫茜切末放入容器中，再放入泰式雞醬(泰式甜辣醬)、檸檬汁、魚露、辣椒茸、蒜茸、糖、調合做成椒麻醬備用。
3、將雞脾沾上番薯粉、下油鍋150度炸8分鐘至熟盛起，切件盛盤。
4、將椒麻醬平均淋上雞件即完成。

芽菜拌雞絲

 

 

芽菜拌雞絲

芽菜用熱水汆約10秒，隔乾水放於碟上；

雞肉汆熱拆絲，放芽菜面；

芝麻醬1湯匙，醬油膏1湯匙，麻油1茶匙，

水3大湯匙，糖、蒜茸、香醋各少許拌勻後淋上雞絲面，曬上蔥花即成。

蘋果炒雞丁，荷蘭豆炒鰻魚

 

 

蘋果炒雞丁

 雞脾肉切丁，加入蛋白半份、生粉、雞粉各少許，

拌勻醃15分鐘；青、紅椒切丁；蘋果切丁浸鹽水。

雞肉丁走油，燒熱油，落青，紅椒丁略炒

雞丁回鑊，加雞粉、蠔油炒勻，

最後放蘋果粒炒勻，加生粉水埋薄芡。

荷蘭豆炒鰻魚

即食鰻魚略煎香後切件，荷蘭豆撒根洗淨，

燒熱鑊，下油薑片爆香，下紅蘿蔔片、荷蘭豆炒香，

加入雞粉、砂糖，麻油各少許，加入鰻魚件後，用生粉水埋薄芡。

 

釀茄子、酥炸多春魚

聽日可能除下號風球要返工，不過天氣舒服好多，無咁熱。

 

釀茄子

廋肉4両剁碎，加入糖、鹽、胡椒粉、生抽各少許，

生粉水2湯匙，順時針方向攪至起膠，即成。

茄子斜切厚片，撲少許生粉，再釀上廋肉，

鑊加熱下油，將釀肉一面貼在鑊底煎至金黃，加入薑茸，蒜茸各1茶匙，上湯半杯，老抽1茶匙，煮至汁收乾，加入椒絲，蔥段拌勻，即可上碟。

 

 

酥炸多春魚

多春魚8條洗淨，加入檸檬汁、胡椒粉、酒各許拌勻，

先沾上麵粉、跟住雞蛋液、最後麵包糠， 燒熱油，下多春魚，炸至金黃色，盛起趁熱曬下蒜鹽。

武功山遊記(6)

 

早一星期來很多禾未收割，相信這裡的陌田全是金黃一片。

 

 

同樣係武功山山腳，但另一個分义路口進入，

出發武功山嘅紅岩谷瀑布群。

這是紅岩谷第一個瀑布—七仙潭 這種水潭連續有七個。

有一個傳説，天宮有七個仙女，在天上待膩了，看見這裏的水清澈，

就在這裏游泳，但被一個樵夫撞見了，這七個仙女就趕緊化成七個小潭子，

隱藏起來，所以七個小潭就一直流傳下來。

 

 

 

 

 

夫妻瀑

\

 

昨天有雨，若果今天上武當山，一定可以見到萬里草甸。

 

一心趕回贛洲，沒行畢全程。

(導遊己比二小時半我地，但我地實在是慢，沒辨法)

 

 

這就是蘆溪縣到武功山必經之路

 

 

 

昨晚及今日中午我地都是在這裏解決膳食問題，

在萍鄉，每一餐大家都是吃得好滋味。

但導遊話下一站贛洲烹調只重刀工，可能在食方面我地會覺得差D。

 

 

午膳完畢，我地要結束在萍鄉市的行程，

坐六小時的車到贛洲了。

 

為了打發時間，

到贛洲的旅途上大家把 " 贛洲" 讀做 "戇洲" 來大做文章 

 

 

吃完午飯就開車出發，到達時己經天黑了，

又是吃晚飯時間到，今餐到大戶人家 董府 吃飯，

點知我地一枱人想加一隻雞，一坐低叫己經話無晒。

 

 

本地出名的小抄魚。

她的苦惱 我的痛苦

一直以來對她是採取自由的方式，當年想引起她讀書興趣，曾經對她說，"甚麼都可能有機會贏 ，首先要嘗試、努力加爭取"  在她耳邊碎碎念了三、四年。
唉！當得到第一個英詩比賽冠軍開始，接下落來要幫她惡補藍球技巧及知識，跟著其他如羽毛球、排球.............個人100公呎賽跑。 學校及校際為甚麼那麼多運動及文學比賽。每天早早上學，學校關門也不願離開。回到家好像問題少女，不停發問，一個問題深入過一個問題，問得我啞口無言。老師不知用甚麼原料做的，學生有需要很夜也可以上網 msm 聯絡老師請教及討論問題。
囡囡要參加學校的歌唱比賽，著我選一首適合她唱的歌，那真是為難我了，選了多個星期，聽了及試唱了無數的中文、英文、普通話、古典、搖滾，柔情的，她 都不滿意，我心想妳不是要練長跑的嗎 ？？？準備好運動會時當記者要訪問的對象未 ？？？別來煩我！
記得一年班第一次開家長會，跟校長傾計談到  "小朋友長大了要飛，要離開父母了"。 當時我表示很捨不得，校長說是一個過程及階段，但很快會飛回來，著我不用擔心。現在，我想她有咁遠飛咁遠。

武功山遊記(5)

 

由武功山吊車站徒步過來。

 

 

 

 

 

山腳下有間石鼓寺，是文革之後新起的，

但歷史卻有700年，因武功山開發被迫遷。

 

 

 

 

 

 

 

 

開飯啦！

11點到而家7點半，實在太肚餓了，

二話不說即刻開動，到現在為止大家吾覺D餸細碟，

同埋餐餐一樣食材，最奇大家黎到呢到都添飯。

 

 

坐車返到酒店成十點，運動左一日，倒頭大睡。

 

 

原來酒店有電腦，免費上網，好似只限二樓及三樓。

 

我地就係住呢間山口岩賓館，同埋我地架新車靚吾靚

 

因賓館是新開張，未有餐廳可以提供早餐，

所以要到隔離民居吃早餐。

 

我地的餐廳是否很有風味呢

 

 

我地D早餐一大特色，凍！重有每樣只有一窩及一碟，

比錢都唔可以加。

營養餐

 

媽媽，上家政堂老師同我地講，如果用匙更北野是應該由乾至濕，咁可以用小D匙更。唔  原來有得學營養架，  唔(係咩！) 煮餸不但止講求色香味，重要配合營養.........。 唔(有營養，利腹唔利口，你咁嘴刁，吃得慣嗎)， 你睇下D筆記，上四堂己經咁多野。係尼！咁中午我吃甚麼，鵝....(咁早) 我而家去煮飯(要健康屋企煮)， 不如去吃印度咖哩   吓！(剛剛好講緊營養) 唔 (好食咩，都好啦) 咁佷開果間  呀  好遠，我唔想行，不如後邊街吃泰國野  吓 (2個人點叫餸) 只可以吃午餐， 吓 點解呀  2個人不可以叫你喜歡的咖哩炒蟹，吃唔晒，不如去寶島吃台灣野啦 (又貴又唔好食)， 不如吃拉麵，去吓鄉間小廚，不如吃日本菜新開果間金水，我未去過， 我去過吾好食，或者果間餐廳，裝修幾靚..............


要均衡均營養，好啦，咁我今晚就煮西湖牛肉羹、蒜蓉炒四季豆，蒸桂花魚，紅米飯。


我家大小姐有徧食習慣，所以在梗有的選擇下只可揀的餸。

武功山遊記(4)

 

見倒個牌當係見倒個景啦！
 

 

 

 

行吓行吓！我重驚過你，

沿途雲霧很重，頭髮都濕晒，伸手以外的人都見唔到，

這部份是緣涯及原始森林。

 

.

這一段好漢坡，我地以下山為主，

所以都不太難行，因之前上山有大雨，

所以路都看得不清楚，有一個叫羊獅幕嘅景都睇唔倒。

 

 

 

 

係吾係好漢都要征服啦！吾通吾返屋企咩！

導遊不停揾手機訊號，同纜車聯絡。

 

 

 

武功山的山體由片麻岩，花崗岩和石灰岩組成，

由於各個時期石灰岩的厚薄不一，岩性差異，裂隙發育不同，

所以除了地表岩溶，表現山坡狀起伏的丘陵，

鋸狀壟斷的山峰之外，還有孤峰殘山等各異的景觀，

但又因霧大，所以甚麼也看不見。

 

 

呢條棧道又濕又滑
 

 

我地終於返到來啦！

 

武功山有三個廟宇，分中庵、頂庵，而紫極宮就是中庵。

 

我終於睇清楚武功山莊、紫極宮個樣啦！好野

 

 

 

 

 

下午吊車停開直到我地最後呢團人及散客集齊，

再重新開動。
 

 

 

到現時為止無買過野，見有米及

八元人仔一對布鞋個個買

武功山遊記(3)

這裏有一片山屋，供游人觀雲海，看日出的休憩所。

據說管委會為了保護山林立場，有人住就有垃圾，

這此出租屋遲些會拆的，以便恢復山林的原始面貌

第二時想觀日出就要用帳篷。

我個高山草甸無咗，換咗個雲海，吹脹。

雲霧繚繞，真好像入了仙境似的。

呢d屋及古祭壇係建築上一大奇蹟，因為都是用石頭做材料，

而且都沒用石灰或是黏土作為黏合，而經好多年，都完好無缺。

這個白   峰山門俗稱芧庵又稱頂庵，有一千七百多年歷史建於唐朝，對聯係萍邑劉存一先生所書，

主要供奉張道陵、葛玄及許遜。

武功山有四個造型奇持古祭壇，這個葛仙壇傳說在東吳年間，

葛玄曾在些修行煉丹，後來得道成仙，後人建了這個祭壇紀念他。

 

終於歷盡艱辛上到武功山，最高點的金頂了。

嘻嘻，用了成三個小時(人地全程的時間)，

其他人吾覺有問題噃？？？

( 因導遊話過，過四點半就吊車會停駛，如果叫人開番要俾$5000)

 

終於上到金頂看最著名嘅高山草甸，因為地跨萍鄉市的蘆溪縣、吉安市安福縣、宜春市袁州區三地，
所以景區面積巿360多平方公里，加上有不少宗教遺跡及瀑布群及草甸，
被人稱為人 " 天上草原、人間仙境、北國風光、綠色家園 " 。 

 

之前導遊話夏天草甸是綠色的，我地欣賞倒的是金黃色，

呢D就係拿？？？十萬畝，全國絶無僅有架。

 

當雲霧陣陣飄散後，高山草甸漸漸露出來，相當開闊。

 

回程啦！睇落好近，原來好遠(行左二小時，哈哈)。

風吹散雲後見到遠D，揾返部份草甸。

剛剛右邊一陣風把雲霧吹散，轉過頭左邊又把雲霧吹回來，

我們又要再步進雲霧中飄渺中。

 

 

 

因為回程走另一條路，路較為好行一點，

但再進入雲霧中的感覺不比早上好，較陰涼點。

 

 

 

我前面的人以經見吾倒了，不過佢哋大聲唱歌，

不理粵語時代曲，粵曲(由其是萬惡淫為首)而且唱得好攪鬼，

好好笑，咁大家又唔會覺得孤獨。