磨菇牛肉意粉

一人餐最簡單，只要雪櫃有乜就煮乜。見有免治牛肉碎、洋蔥、蕃茄，
開罐磨菇煮個意粉。太好味啦(自誇)，竟然唔夠食。




白色係淡忌廉，整開蛋糕所以有得加上去，靚靚地馬。hehehe~

香辣棒雞翅

幫襯麥當當套餐，一定有薯條剩，我一定會留起。

食材：
雞中翼10隻、剩左薯條、蔥碎1湯匙、蒜茸1湯匙、
辣椒粉1茶匙、花椒粉半茶匙、白芝麻1湯匙。

調味料：
鹽1茶匙、梅粉1茶匙、孜然粉1茶匙

做法：
1.薯條、雞翅對半直切，入油鍋炸至香酥盛起。
2.取炒鍋乾炒蒜茸，放入炸酥的雞翅和薯條，
將辣椒粉和其他調味料一起放入拌炒均勻即可。

泰式鯧魚

大小姐好喜歡炸或煎鯧魚，食得多我又悶。

 

 

今次做個泰式煮法，即刻活潑晒，又開胃又好送飯。
材料：
鯧魚1條、青/紅椒各1隻(切塊)，洋蔥1/4佪、薑數片，
泰式雞醬毫升，水100毫升，鹽、胡椒粉各適量。

做法：
1.鯧魚洗淨後吸乾水界兩刀，撒鹽、胡椒粉略醃。
2.燒熱鑊下油，爆香薑，入鯧魚煎至兩面金黃色，約4~6分鐘，盛起。
3.原鑊下洋蔥、青紅椒炒香後加入泰式雞醬後灒水，
再加入鹽、胡椒粉拌勻，淋上魚面即成。

牛大力土茯芩煲豬骨湯

係街市見有新鮮牛大力同土茯苓賣，咁就買返d煲個袪濕消暑的湯

新鮮牛大力四兩，新鮮土茯苓四兩，赤小豆一兩，扁豆一兩，
豬骨半斤，煲一個半小時，合全家飲用。

 

牛大力功能清熱潤肺，止咳，強筋活絡，主治肺結核，支氣管炎，慢性肝炎，咳嗽等症。

土茯苓味甘性平，有清熱解毒，除濕通關節，主治瘡毒，風濕關節炎，筋骨酸痛，是袪濕佳品。

但清熱祛濕湯不宜久煲

肉鬆飽

而家有時間就會整吓飽好似上左癮咁，佢真係好好玩架。

 

肉鬆飽

初初整包時都咪話唔傷心同埋身，因為成品唔係幾好，要請大口仔食，到入得口時只有大小幫襯一~兩個，其他都要自己消化(肥c)，公司白老鼠集體減肥，唉！所以要做小d次數。

尼個飽係跟blog友仔小花媽個riecpe做，做左8個，
一出爐就食左3個，真係好好食架。




蝦！下次整乜好尼？

芒果布甸

尼排芒菓又開始當造啦，加上北海道3.6牛奶做布甸
貪佢奶味濃又夠滑。

本來想用個大模，等出黎個樣靚靚，
點知計錯魚膠粉份量，成唔到型。

最後加魚膠份量及轉用細杯，睇吓真係好真材實料架。

另外一部份擺個靚樣比大家睇吓，呵~ ~ 樣靚味道好架。

天后誔

三月廿三日天后誕

記得大小姐小的時候，一到三月廿二日晚，我會帶大小姐到
天后廟睇獅子及龍及其他年獸會帶同花炮到廟拜天后，
而第二日就會再帶著大小姐到街上睇出會。

但！睇得多就無興趣，就算家裏頭有一角窗可以看到都小去睇。





朋友仔約我星期天吃盆，無想過同天后誕有關，
滿以為是誰家娶新抱，因為同天后誕隔左幾天。

今次係到廈村鄉吃盆菜

時間差一點點才開席，同場加插村裏頭參觀，
介紹一些比較舊建築和最新建築比大家睇吓。

以前嘅灶頭和水缸

這些屋子有些還有人住的啊

這些青磚屋很堅固，我挻欣賞他們屋簷的設計。

再來參觀一下最新鮮出爐剛起好，還沒有入住的村屋。

周圍環境並不太寛闊，但自成一角。

現代化的廚房

到盆菜現場入坐，有歌手及樂隊奏樂娛樂大家。

現場都相當當熱閙

開始上盆菜啦，大家可以食番餐啦。

食到咁上下，台上歌手暫停表演，
係因為有另一個更刺激嘅投標節目開始。

到晚會完結時，朋友仔有三件戰利品。

呵~ ~ 在我來講三件野價錢唔平，但意義嘅野唔係咁計

青菜豆腐蛋花湯

a

 

材料：
菠菜1把、番茄2顆、嫩豆腐1塊、蔥1棵、上湯400c.c.、雞蛋2顆、煙肉2片

調味料：
鹽巴、麻油

做法：
1.豆腐切塊、番茄不去皮切丁狀、蔥切花、波菜葉切段、蒜切茸，備用。
2.起鍋，將煙肉煸炒出油，倒入適量油煎豆腐，接著再放入番茄丁、上湯煮至滾。
3.同上鍋，下蔥花、波菜葉段煨煮，起鍋前關火淋上蛋液。
4.將少許鹽、麻油放入碗中，再將步驟3沖入即完成。

BBQ

我好鍾意BBQ架，但身邊果d都唔鍾意，
又話燒完頭髮呀、件衫呀一陣味。

朋友仔兩次抽獎都咁啱抽中燒烤爐，因此，送左個比我。

見係咁，藉口整返個燒烤大餐。

整定d沙律外，準備左條鯧魚、鮮香菇、雞脾菇、雞全翼、茄子。

調味料係用檸檬半顆、韓國辣椒醬1小碗、糖、醬油9匙、味醂6匙、清酒3匙

做法

1.做醬汁：醬油9湯匙、味醂6湯匙、清酒3湯匙，加3湯匙糖、檸檬片、洋蔥泥、薑泥倒入鍋中加熱成醬汁，微滾一會兒後可將檸檬片取出。

2.沾醬：取醬汁一半，加入1大湯匙韓國辣椒醬拌勻。(醬汁中的檸檬片可用蘋果泥、水梨泥代替。)

3.將鮮香菇用籤串起，先將有色面貼網放在小火上慢烤，上灑少許鹽巴，待皮皺起時再翻面。

4.雞翼放大火上，烤到8分熟後灑少許鹽巴再泡入醬汁中，再放在爐火上烤一烤後，再泡入醬汁內烤香即可。(共兩次)

5.鯧魚噴水，兩面灑鹽後，放在小火上慢烤。魚直接放在網子上烤時不要一直翻面，魚肉會沾黏於網上，可利用拍網方式幫助魚肉與網子脫離，且較不會沾黏。

吃完，唔夠飽，又係雪櫃摷野繼續燒過。

不停咁燒腸仔同年糕，燒到肚飽為止。




後記：係屋企燒先知要燒好耐d野先熟，因此好留意
街邊d燒烤店運作，比我發現，客人多時佢地會先炸過d食物，
然後再把表面燒至焦香架。

新玩具

這篇終於可以寫出黎見人啦。

早排買左兩個新玩具，一部係迷你衣車。

這個可以用黎補吓衫、車吓窗廉布，其他野....要諗吓.....可以做乜先得。





第二樣係麵包機。




第一次試整係預較左時間，
唔知點解，徹低失敗左？？？

第二次試整無預較時間，每樣材料小心放唔同位置。

結果......係發左，但！唔係應有size 又失敗？？？

跟住第三次 ..... 呵~ ~  一出黎見到個樣..... 成功啦，好似.....。

點知，食落好似白糖糕個口感。

再次失敗？？？

第四次..換果個食譜成果，睇落唔錯，重好有麵包香味添。

 

熱辣辣食時都唔錯，只係唔錯，

帶佢地返公司，請白老鼠們試味，一致應為唔夠鬆軟，好硬。
但.....有隻白老鼠名叫實習學生，她說，好喜歡它夠硬，
夠麥香，又夠健康因為無發粉。吓~ ~

唉！都唔知好怒定好笑，當然又算失敗？？？

再整，這次唔要麵包機由頭做到尾，決定揾焗爐幫手。

哈)))))  出黎效果都唔錯，係排氣做得唔好，
比個橫切面大家睇吓。





發覺，應該係發酵過度。又失敗？

第六次，可能熟習左，這次個包好鬆軟，表面正常。

 

 

 

最終一回終於成功，這次終於似模似樣啦。



都唔明做有餡飽材料一樣，但效果都唔同，
還好係越來越好，希望下次做得更好。