豆椒雞絲

拜神吾見雞，因為煮左  豆椒雞絲。

好多時拜拜完隻雞都係白切呀、煲粥呀咁來清左佢，一年到頭咁食都厭，今次拆絲，加埋食剩豆豉(意思係食罐頭豆豉鯪魚剩果d慳d使，唔好晒)，煮尼個豆豉辣椒雞絲 。

拆半隻雞都有好多肉，加啲罐頭豆豉，買菜叫亞姐搭嘅蔥，

廚房有豆瓣醬、芝麻計佢3蚊，用1蚊買4隻辣椒，加3蚊大豆芽菜，咁尼碟餸都係7蚊，唔講比人知，ok又可以打斧頭。

材料：

大豆芽菜四両，指天椒2隻切片，蔥2棵切粒，豆豉1大湯匙，蒜茸1茶匙、白芝麻適量。

 

調味：

辣豆瓣醬半茶匙，米酒大匙，糖1茶匙，蠔油1茶匙，

麻油2大匙，香醋1茶匙，雞湯1碗。

 

做法：

1.熟雞劃刀，取下雞肉撕成粗絲狀。

2.起一鍋滾水，下大豆芽汆至熟盛起。

3.油鍋下豆豉、蒜茸、辣豆瓣醬爆香，加入雞絲略爆，下上湯，調味料煮勻。

4.加入大豆芽菜、白芝麻、指天椒、蔥粒拌勻，鑊邊淋上香醋即可上碟。