大廈爆水喉

有一晚放工，成12點見自己大廈立案法團D人同水務署緊急維修隊企係街度討論爆水喉處理方式，當時心想最多三天就搞掂，所以無理它

不知那位人仕太有才了，想！橫掂比水務署截左水，隔離鋪頭個地下又要掘地，不如順便把條喉搬回大廈範圍內一了百了，甚麼😰，停水夠慘，你重想攪D咁嘅野，咁要停幾耐水先得

而家放工重要擔水用😭

如果唔係年頭老師講左今年流年不利同水有關，凡事不要強出頭而禁住大少，而家大廈鬧得不可開交的宮廷劇，大小一定是要角之一了

而家餐餐都在外邊食

而家出街食有時都受罪架，好似這間連鎖店，又話泰式烤雞、椰醬飯咁，買左飛去到櫃枱話無椰醬飯你一係白飯一係炒飯，唉！都裝定個白飯黎問，頂住條氣話炒飯，咁！比人罰站左五分鐘先有得拎餐走，望住我隻烤雞，左睇右睇佢似鹵水多D喎，重要凍嘅，個冬蔭公湯..............

我公司個飯堂出品唔差架，而家盡量返工放工都在飯堂食

he~ 我地都有奶蓋烏龍茶架，而且價錢都好底架