簡單止咳茶

好多同事氣管唔舒服、咳，有d似火燒咁，

咁情形，清潔亞姐教買廿蚊金銀花焗水加蜜糖好有用。

 

我試左之後覺得好左，我已減小份量，

但真係好苦，只好加多一點蜜糖。

香芋酥餅、椰菜炒雞柳

尼個時候買嘅芋頭一定粉，

如果將芋頭壓碎之後，加入金華火腿，特別甘香，

做成肉餅煎香，特別酥香脆口。

芋頭1斤削皮，切薄片放入鑊隔水蒸15分鐘至熟，

取出要趁熱時壓爛成茸；蝦米2湯匙洗淨浸軟，燒熱鑊加油，

用中火爆香蝦米後，切碎；金華火腿3湯匙切碎，燒熱鑊爆香；

將芋茸、蝦米碎、金華火腿碎、豬絞肉半斤、蔥粒約2大湯匙、

生抽2湯匙、鹽1茶匙、糖1茶匙、胡椒粉少許、粟粉1湯匙，

浸蝦米水放入大碗中，攪勻，用手掐成乒乓球大，再壓成餅狀，

然後放入平底鑊中，用中細火將兩邊煎至金黃色即成。

 

煎芋茸要多油才會有酥，所以建議大家用橄欖油，咁就唔怕吃油。

椰菜炒雞柳

Sukiyaki 日式牛肉火鍋

今日同大家做一個日式火鍋，

但.....重點係不要學我咁C奶(樣樣都要多)及...

要有耐性(全程應用小火)。

要用小火燒熱1湯匙油，下洋蔥絲爆香，

炒至軟身後加入Sukiyaki Sauce。

注入Sukiyaki Sauce約240毫升煮滾。

(正宗日式做法不能加水，用小火煮蔬菜會有大量水份出，

咁嘅火力食到最後都嚐到蔬菜嘅鮮甜味。)

但我實在無耐性，見到有2張咀等待偎，我就轉用中火，

所以亦加了240毫升清水，以免揮發得太多水份，跟住不能涮牛肉，

水滾後先下紹菜粗嘅部份，待軟之後下嫩葉部份。

待菜出水之後，可以排上食材，塘蒿菜、紹菜、大蔥、金菇、本菇、

鮮冬菇，已煎香豆腐，最後加入牛肉片，待汁料再次煮滾後，

將所有材料拌勻至熟即可進食，可以預備多些牛肉片於中途加入，

牛肉生熟程度可依個人喜愛，將完時加入浸軟粉絲，

可以把火鍋精華吸收晒。

霸王花南杳雪梨湯

呢一排身邊好多人咳，我家大少同埋大小姐都唔例外，

自己暫時都ok，可能同湯水有關，早小小煲左霸王花湯，

佢兩位唔得閒，剩下很多我只好全包飲晒佢。

 

而霸王花具有清肺、止咳、化痰功效，

連口臭便秘，小童患痰火結核都有功用。

 

 

霸王花南北杏雪梨湯

霸王花約2両、雪梨2個、南北杏1両、蜜棗5粒、無花果6粒、薑數片、豬骨1斤。

霸王花浸軟洗淨，瀝乾水份；無花果、蜜棗及南北杏略為沖洗待用；

雪梨洗淨去皮及籽切成大塊；豬骨滾水汆燙。

大煲中煲沸水12碗，將雪梨、霸王花、蜜棗、無花果、南北杏及

豬骨一齊放入，大火煲半小時轉中細火煲2小時加鹽調味即可。

此湯潤肺止咳，清熱散結，清涼解毒，袪濕除燥，大家可以試吓，

其實單用霸王花煲水飲用也可以，只因霸王花的苦澀味很少，

但黏液則甚多，飲後大小便會暢通，熱滯隨之消除。

雞骨草

最近吃得多熱氣野又成日打邊爐，要煲d涼茶飲，

今次煲雞骨草可以去濕，又貧佢可以清肝熱護肝。

先將半斤雞骨草洗淨，鍋下20碗水，

大火先1小時再轉中火煲1小時。

將甘草、綿茵陳、白芍、雲苓洗淨，加入雞骨草中再煲個半小時加入糖即成。

 

特意煲一些清涼清熱飲料，因等一下就要出門搭8點早機往廈門了，

今次行程很早以前已定下，但日期，地點一改再改，

今次敲得很好沒有浪費我的大假，

13號返尼再見大家。

芥蘭炒臘腸、南乳金沙骨

芥蘭炒臘腸

南乳金沙骨

排骨洗淨抺乾水，南乳4湯匙、生抽2湯匙、鹽1/4茶匙、

乾蔥粒1湯匙、薑汁1湯匙、蒜粒1湯匙、水1湯匙、糖1/4茶匙、酒1茶匙，

拌勻加入排骨中拌醃一夜，放入220度焗爐，焗20分鐘即成。

沙茶洋肉片

沙茶羊肉片

羊肉片半斤放滾水中汆燙至半熟，燒熱1湯匙油，

爆香薑3片，蒜片1茶匙，乾蔥片1茶匙，沙茶醬1大湯匙炒片刻，

加京蔥炒勻後，羊肉片回鑊加鹽半茶匙、糖1茶匙，胡椒粉少許，

水3湯匙，粟粉1茶匙炒勻即可盛起。

豉油王雞翼、菠菜炒蛋

豉油王雞翼

雞中翼1斤洗淨隔乾水，2/3杯生抽，1/3杯老抽，

冰糖1大湯匙，八角1粒，蒜茸1湯匙，薑2片、乾茸1湯匙。

雞中翼放大碗中，加1湯匙紹酒拌醃；所有調味料放煲內開火煮滾，

然後加入雞中翼(如果調味料未能浸過雞翼面，可以加一點熱水入煲)，

繼續開大火煮至滾起後，熄火焗30分鐘，即可撈起雞翼上碟。

菠菜炒蛋

菠菜切去根，洗淨，放進己下鹽的水汆約3分鐘，

撈起榨乾水，切碎；蛋5隻拂勻加入自發粉1湯匙，

雞粉1湯匙，鹽、糖、胡椒粉各少許，1湯匙金黃火腿碎拌勻，

起鑊下油燒熱，倒入蛋漿，以大火將2面煎至金黃色，

切成小件，再撒上少許金華火腿碎便成。

巴戟杜仲廋肉湯

天氣涼，較適合飲補身湯水，

今次我煲左個強筋健體嘅湯水，好適大人飲用，

而且可以壯腰補腎，減小夜尿。

巴戟杜仲廋肉湯

巴戟、杜仲、黨參、淮山、杞子、茨實、圓肉各小許。

廋肉汆水洗淨；巴戟、杜仲略浸，用淡鹽水洗淨；

黨參、淮山、茨實、杞子、圓肉略浸。

鍋肉放12碗水，所有材料放入鍋，大火煮滾15分鐘後，

轉中火煲1個半小時，加鹽調味即成。

翠肉瓜炒牛肉、清酒海花甲

翠玉瓜炒牛肉

先把蛋白、水各少許拂勻後加生抽、生粉拌勻，

放入牛肉中略醃一會，泡油盛起；雞脾菇切片、翠玉瓜切片；

木耳2朵洗淨浸水撒小塊；

燒熱鑊下油、薑片、蒜片、紅蘿蔔片略爆，

加入雞脾菇及翠玉瓜略炒加少許煮至滾後，

加入生抽、糖、鹽、雞粉各少許，牛肉回鑊，

最後用生粉水埋薄芡即成。

 

清酒煮海花甲

花甲用淡鹽水浸2小時後洗淨，燒紅鑊下油，

慢火爆香蒜片、紅椒、薑絲後，改大火放海甲後，

加入清酒約半杯，加蓋，

煮至花甲開口加入，魚露，中芹，蔥後，即可盛起。

水煮牛肉

今次個火鍋係挑戰自己可以食辣能力，採用水煮牛肉個麻辣湯底，

嘩！還好在頂得住，梗係啦自己較味架，當然就住啦。

 

其實會做麻辣火鍋都有原因，事原有日拜託大少，

去買1隻辣椒，誰知他貪平買了一大堆，(1元有2隻，5元有4両。)

一時間用不完只好先做日光浴，順便比北風吹乾它。

這天大小姐又要吃火鍋，想想家裏有辣椒、芝麻及花椒，

不要咁單調，試吓麻辣湯窩吧。

其實材料都好簡單，但手工有點複雜，

但一步一步來都唔難，先用白鑊把芝麻炒香至金黃色，

先用冷油把花椒粒爆至黑即要隔油盛起椿碎。

而辣椒乾就爆至脹身即要隔油盛起，剁碎。

爆熱鑊將蒜茸、薑茸、辣豆瓣醬爆香。

加入大豆芽菜，炒去豆青味後加芹菜段、蒜段、青菜、上湯。

用鹽小許(要試味先，因有些牌子豆瓣醬好咸)、糖、

胡椒粉調味、老抽上色、約3湯匙芝麻、1半花椒碎，

辣椒剁細1湯匙煮滾，轉入鍋中，(如果不太吃辣的話，

要挑去大部份辣椒子)。

 

正宗水煮牛肉是在這裹把牛肉一片一片放入，待牛肉熟就轉入盆中，

加上芫茜，花椒及辣椒油無火供吃用。

加芫茜，花椒碎及辣椒乾碎於面

最後把一開始煉嘅花椒油及辣椒油燒熱，冧在芫茜面即成，

(留意你要先試湯頭，才好決定把全部花椒及辣椒油冧面)。

完成湯底就可以開動。

水煮牛肉，主角當然係新鮮肥牛肉。

再配上可以吸收湯汁嘅材料才夠過癮。

吃完麻辣火鍋需要吃個糖水解辣，所以煮了個桂花丸子。