Sukiyaki 日式牛肉火鍋

今日同大家做一個日式火鍋，

但.....重點係不要學我咁C奶(樣樣都要多)及...

要有耐性(全程應用小火)。

要用小火燒熱1湯匙油，下洋蔥絲爆香，

炒至軟身後加入Sukiyaki Sauce。

注入Sukiyaki Sauce約240毫升煮滾。

(正宗日式做法不能加水，用小火煮蔬菜會有大量水份出，

咁嘅火力食到最後都嚐到蔬菜嘅鮮甜味。)

但我實在無耐性，見到有2張咀等待偎，我就轉用中火，

所以亦加了240毫升清水，以免揮發得太多水份，跟住不能涮牛肉，

水滾後先下紹菜粗嘅部份，待軟之後下嫩葉部份。

待菜出水之後，可以排上食材，塘蒿菜、紹菜、大蔥、金菇、本菇、

鮮冬菇，已煎香豆腐，最後加入牛肉片，待汁料再次煮滾後，

將所有材料拌勻至熟即可進食，可以預備多些牛肉片於中途加入，

牛肉生熟程度可依個人喜愛，將完時加入浸軟粉絲，

可以把火鍋精華吸收晒。