咖哩角

之前係吳X記買了一包新鮮春捲皮，

二十蚊一大包，一次過用唔晒，要分好放冰格，

所以就咁有好多春捲皮菜式出來見大家。

另外沾醬是從尼泊爾食店買回來，只知有乳酪，辣椒，芫茜，好好味架。

好簡單 咖哩牛肉角

免治牛肉160克，乾蔥頭2粒，洋蔥半個，

咖哩粉1-2茶匙，糖1茶匙，急凍春卷板8塊。

調味：鹽半茶匙、糖半茶匙、粟粉1茶匙、麻油半茶匙。

 

免治牛肉加調味拌待用，燒熱油一湯匙，

爆香乾蔥茸及洋蔥粒，再加入咖哩粉、糖及免治牛炒熟盛起，

春捲皮剪成等份長條，放1茶匙牛肉餡捲起，

用蛋黃收口，下油鑊炸至金黃即成。

咬開發覺咖哩味好濃。