2009年12月26日 星期六

廈門田螺坑鼓浪嶼之旅1

舊同學係公司抽籤中左十二月上旬放大假,所以我地無得等到聖誕去玩,
走了一趟廈門及漳州,好在土樓係熱門地點,所以定好日子,
逐間旅行社問有無團,成唔成咁就出發。
 
一早八點機,所以倒塔咁早起身都未瞓醒拖住個喼到機場,
機場乜野食店都未開,只好去七仔買麵包。
上到機早餐又係飽(雞包)。

一落機就離開廈門港,穿過杏林大橋,直奔漳州田螺坑了。

由機場到田螺坑只需要2個半鐘頭多dd。

南靖距漳州市區30多公里,離廈門市區100公里,
是漳州重點僑鄉和台胞祖籍地之一。

第一站就是行程最重要嘅四餸一湯。
這個位於南靖縣 書洋鎮 上坡村,為黃氏家族嘅聚居地,
土樓由步雲樓、和昌樓、文昌樓、振昌樓及瑞雲樓組成,
已經有200年歷史,最初以為要行一段山路,
但,原來已修好路可以行大巴,所以車直到觀景台,
不過真的人山人海,原來遠觀係最靚。



沿新加闊有欄杆的山路直落到土樓,
沿途商業氣息非常濃厚,土樓內部好像街市似的
而且已經禁止上樓拍照了(但如果你比錢的話.....)。

田螺坑遠觀還是比較好看,比較特別。

田螺坑土樓群依山勢錯落布局,建在半山腰,
被綠色梯田包圍著,居高俯瞰,像一朵盛開的梅花點綴大地,
2001年被列入國家重點文物保護,2008年7月6日被聯合國教科文組織
列入世界文化遺產名錄。

停留一會後,我地轉到另一景點裕昌樓,
這個距離田螺坑約四公里。

這裡700年歷史,
比較起田螺坑大得多,結構也比較特別,
三樓以上結構係東歪西斜的。

 

不相同是內部清潔整齊得多,在內走一圈,好多人用廣東話招呼你照相,
一分鐘搞掂,包一張大相,只收10蚊人仔,好抵,
亦有很多人招呼你坐下喝番杯茶,好熱情架。

係天井建有單層圓形祖堂名觀音堂。

嬸嬸在祖堂內殺青、包裝,以便有足夠貨源供應比客人。

土樓大有商機,大家都在擴闊路面,增加設施,攪到周圍都沙塵滾滾。
 

導遊安排到一個可以上樓參觀嘅土樓,
不過去到小型土樓賓館時,發現台灣攝製隊(魯冰花)包起,
只可以在走廊走走算。

這裏都好先進,有自來水,衛星電視,重有上網。

離開雲水古瑤,結束係漳州土樓行程,
好快就由漳州反回集美我地住嘅酒店。

一連三日都是住在天地人酒店,位於集美學村內。

這裏是提供自助中式早餐,除這些配菜外,
主食有炒麵、湯米粉,白粥,皮蛋粥,蒸糕等供應。


D粥味道出奇地好,好地道粵式做法。

我地酒店所在地需然近熬園但比較偏僻,好在有很多食店,
團友晚晚外出食宵夜,選擇有很多如雞煲,打冷,鹵味及重慶火鍋等,
而價錢也很便宜,一碟肥牛都是20元人仔,有1市斤。

沒有留言:

張貼留言

蓮子百合四白湯

寧心、潤肺、補脾腎、安神助眠  材料: 蓮子1兩,百合1兩,淮山4片,杏仁10克,西施骨半條 做法: 西施骨用薑片、蔥結、料酒出水 全部材料放入鍋內大火煲20分鐘,再轉中小火煲1個半小時即可用鹽調味