杏仁雪梨蜜棗茶

先講吓個病況，過年時見大少一開始病得好重，都懷疑佢係豬流感，但只係睇醫生無送佢入院，因為係非常時期入醫院，醫院最多病菌，到時唔重病都變重病，尼個係我以前係院舍做時得出嘅結論。

 

最初有把佢隔離，之後鬆懈，直覺話我知我感染左佢d菌時，即刻封候，個頭痛到爆，因為凍氣管收縮就咳，之後每咳一吓個肺就痛一吓好似要甩左出來咁，個人又wing wing 地，身體個免疫系統暫時失調，大腦指揮要不停咁瞓，等身體可以快D復完，但又會咳醒。

 

為左唔想西醫開必理痛(佢好傷肝，要用5年時間先排出體外)，所以睇中醫，但佢又慢，想吓咁唔係辦法，我要加料，所以煲左這個茶，飲完加埋中藥喉痛、咳情況，改善左好多。

相比大少嘅17日我用左3日就穩定左，大少到而家都唔係好掂，咁尼點我幫佢唔到，因為平日我叫佢倆隻野飲D潤肺湯水都唔理我，好多時我一個人包晒底，可能湯水足，所以復完快。

 

今次我煲尼個茶係清熱除痰、潤燥止咳架。

南杏一兩，北杏仁四錢、雪梨2個，蜜棗4粒，生薑3片，水8碗。

雪梨洗淨去芯切塊，再將所有材料放入煲內用慢火煲1小時即成。