蒜茸茄子

 

 

 

 

 

 

 

 

 

材料：茄子2條
調味料：糖3茶匙，醬油膏3湯匙，麻油1湯匙，白醋1/4湯匙，紅油1茶匙，水1湯匙，米酒1湯匙，蒜泥2湯匙
做法：
1.將茄子對切後，放入滾水中煮熟後撈起，放入冰水中冰鎮，再撈起瀝乾，排放碟上
2.用碗把調味料拌勻，淋在茄子上即成

雙棗糖水

 

 

這個時侯最啱飲，可以潤肺燥！！！

 

 

 

 

材料好簡單：紅棗、黑棗、麥冬各50克，連水一齊放入煲內，煲30分鐘，加片糖即可飲用

 

蔥燒鯽魚

 

 

 

 

行街市，見到好多蔥賣得平，醒起蔥當造，不過唔見有紅頭蔥賣，唔知係唔係貴，所以唔賣，點都好啦，買左D 同鯽魚，做蔥燒鯽魚~ ~

 

 

 

 

材料：中型鯽魚兩條，蔥四兩(最好半斤)，薑三片

調味料：水3/4杯，老抽3湯匙，糖1.5湯匙，胡椒粉少許，醋1湯匙、麻油少許

 

做法：

1. 鯽魚洗淨抺乾，胡椒粉、酒搽勻，放入鑊半煎炸至熟盛起

2.爆香薑片、蔥段1回鑊，把水、老抽、糖拌勻淋上魚面，加蓋焗一會

3.待汁煮至略乾，加入醋及麻油即可起鑊

 

 

 

 

蘿蔔燜火腩

 

 

這個蘿蔔比較特別，睇落短短的，但好重手，因為佢係我同事的杰作，每個星期她都到田裏除草、施肥、淋水的，因為土壤問題，有些混集好多沙石，泥層不是很厚，這兩個外形較好了  哈~ ~  好多都似發育不健全  

 

需然這樣，它還是鮮嫩多汁 很清甜，拿來燜火腩，簡簡單單已經好好味了！

 

 

爆炒螺肉

 

 

材料：雪螺肉1份，薑3片，蒜1湯匙，青、紅、黃甜椒適量
調味料：XO沙爹醬1大湯匙，鹽1/4茶匙，雞粉1/4茶，糖1/4茶匙，酒1湯匙

做法：
1.青、紅、黃甜椒切小塊，蒜刴成茸，調味料拌勻
2.把螺肉放入滾水鍋中汆燙分鐘，即撈出
3.燒紅鑊，加入油爆香蒜茸，薑片後，加入青紅黃椒塊略炒，調味+2 回鑊，炒至水分略乾，再加少許麻油即可起鑊

 

黑椒焗魚雲

過左年，天氣由凍變熱，誰不知又要廿度跌到十度都無，街市好多人買野打邊爐，hehehe ~ ~  我又煮無人性菜，煲仔菜，

哈~ ~好正，食都尾都係熱，真係正架！！！

 

 

 

 

材料：魚頭一個，洋蔥半個，黑胡椒1茶匙，蔥段及薑片適量

醃料：酒1湯匙、鹽3/4茶匙、胡椒粉適量

調味料：生抽3/4湯匙，糖1/4茶匙，水1/3杯

麻油1湯匙、酒1湯匙

 

做法：

1.魚頭洗淨，灑上醃料拌勻待10分鐘，放入鍋半煎炸至表面金黃即可

2.洋蔥切絲

3.燒熱鍋，薑片蔥段爆香，放入洋蔥絲，略軟1回鑊，加入調味料後，加蓋

4.焗至魚雲全熟時，加入黑胡椒，

5.燒熱砂鍋，加入1湯匙麻油，把4放入加蓋燒至水滾，在蓋面淋上酒1湯匙即成

 

 

 

 

粟米紅蘿蔔木耳湯

 

煲返個清　地湯水，清下腸胃切下油，材料簡單，只要粟米、木耳、甘筍同埋4片薑片，煲佢45分鐘即可飲用，簡單有益快趣！！！

 

 

茄汁煎豬柳扖

 

蕃茄有益又開胃，餸汁用黎撈飯最好

 

 

 

材料：豬柳扖4件，洋蔥半隻，蕃茄2個，蒜頭1棵，薑2片

調味料：茄汁2湯匙，生抽2茶匙，糖1.5茶匙，鹽、胡椒粉各少許，水約半杯

 

做法：

1.豬柳扖解凍洗淨，加入少許鹽、糖、醬油、生粉、麻油拌勻醃15分鐘，放入鑊煎至兩面金黃盛起

2.加入薑片、蒜頭爆香後，放入洋蔥炒至軟後，加入蕃茄略煮後，加入調味料、1回鑊，加蓋燜2分鐘，收至略乾即可上碟

 

玫瑰朱古力

 

情人節快樂！！元宵節快樂！

送玫瑰朱古力給大家，一齊甜甜蜜蜜！！！

 

 

 

花膠桂圓蓮子糖水

 

 

 

 

 

 

今年 中國情人節 同 西方情人節  都是同一日，煲返個滋陰養顏糖水同大家慶祝一下，

 

有隻小小花膠，價錢唔貴2佰幾蚊有一斤，拎左DD浸完水都有一大兜，剪成一條條，先煮好D開邊蓮子，放埋花膠煲佢一陣，花膠軟，順手加D紅棗、圓肉，煲佢15分鐘，跟手落埋D台灣薑糖同新鮮百合，糖溶即熄火焗佢一陣，香噴噴~ ~  夠晒潤糖水出台啦~ ~ ~

 

 

 

 

 

 

 

新春一日遊

 

 

 

 

Blog友仔約埋一齊，新春環保農莊一日遊

 

一早去飲茶諗住出發去錦上路西鐵站，結果又凍又落雨，好多檔都未開，所以轉左去紅磚屋，胡李媽媽一馬當先買野，睇完時間尚早，落元朗見到何八記，胡李媽媽又忍唔住掃貨啦，hehehe~ ~  去左流浮山買D金蠔，食埋午飯先去農莊，預定要去的農莊，其實係燒烤場，無乜野，相反，隔離有個農場，地方大純租比人種菜，合乎想租田做農夫要求，哈~ ~

 

由天亮去到天黑，去左好多地方，又買左好多野，這天好盡興啊！呵~ ~