台北遊1

由台中回來，又再到台北去 

上一次去台中是買電訊咭用，誰知成日斷線，有幾次要揾地方因為無訊號好唔方便，今次貴一點都要租隻wifi蛋， 都好方便拎埋蛋就可以入閘 he~

今次算家族遊，家姐提議去台北，細細佬策劃，諗住有人帶，可以放空放空.....，乜都唔諗就去玩，連屋企本旅遊天書都唔帶 ( 其實黎過幾次，帶乜鬼吖 ) 誰知我家姐竟然是劉佬佬入大觀園，呱呱叫 ，唉！即刻醒晒要幫手照顧她，好等細細佬可以專心打點一切

啊~ ~  無諗過飛機餐是食這些

落左地第一件事係去揾  國光客運  買 1819車飛搭車去台北火車站，轉捷運到西門町酒店放低個喼先

桃園機場我是第一次踏足，感覺上。。。有點小，而買飛拎住車票，去候車區等巴士。。。這動作。。。近好多年無做

我地是5個單位，分三個唔同時段出發，唔同酒店，奇怪搭唔同車往目的地原來都無優勢，因為當地有不同程度塞車或壞車，所以都是要有耐性

台北車站轉駁，就咁行無乜野，但！拖著個大小小嘅喼行就比較論盡

坐上捷運我就好有安全感，西門町最熟悉不過

到紅樓，跟劉佬佬說到止一遊就在門前影張相，她不知入內是有東西看的，哈~ ~

其實除左我家姐外，其他人都來台北有好幾次了，所以當中好多時侯大家會，講一聲就自行暫時離開一會，或見到需要的東西就很快出手，當然！我地行為在劉佬佬眼中就很是好奇，亦試過走失她！！！

啊~ ~ 這個。。味道無乜特別，係出名D ，我們集合地點就是這裏，見佬佬好像想食，點她去買 he~ ~ 她竟然買到回來，大家都好驚奇，因為。。。她不懂國語的

接著要搭捷運趕去淡了

幾年前的爛地海邊而家變成公園廣場一部份，全家大小可以坐坐休息睇下表演

 細細佬本想做個稱職導遊，好好帶我家佬佬嚐盡一切美食，買她喜歡的，誰不知短短500碼，甚麼都想食甚麼都想買，前進有困難，最後要改口說，前面還有，一會再吃、再買不遲，第一站，她已買了半喼手信，我地已經在想，接下來的行程那些手信怎辦，哈~ ~

 

 

 

 

淡水變得很商業化，也很熱鬧，本來想食阿給，但！行行下比第二樣東西吸引行左去第二度

 

行程也是隨緣，見這家店很多人排隊，我們就買個胡椒餅食，新鮮出爐，熱辣辣，香噴噴，辣辣的很好味