元朗倫哥火鍋私房菜

 約左班朋友仔在倫哥度食飯，無限時最啱我地吹水用，今晚天氣凍凍地，最啱烚下烚下

 我地六點半上黎時客人不多，不過到了八點就滿座，待應見我地停晒手幫我地熄爐，不停提示我地埋左張單，好等他們可以番枱

 湯及蠔皇鮑魚是包埋的

 先上雞煲，食完後會收走個煲，再換上番茄鮮菇煲比我地打邊爐用

海鮮拼盤—本來是蟹部份加$30元變成龍蝦，而當中貝類、蝦及魚肉是可以續叫的

 牛肉頸脊很嫩但不是任食

 有蝦滑及墨魚滑，蝦滑味道真的不錯，所以叫完又叫

另外重有四寶丸、雲吞水餃、炸魚皮、響鈴、蔬菜等都是無限添加的

 飲料有汽水、菠蘿汁、綠茶及自家制五花茶，全是自助的想飲幾多就飲幾多

甜品是燕窩蛋白，蛋白滑滑的