紅蘿蔔絲炒蛋

簡簡單單用金黃色炒蛋配上甜甜紅蘿蔔絲不單好睇重好好食添~

材料：

紅蘿蔔1支，雞蛋2個，蒜頭1粒

調味料：

鹽少許

做法：

1. 紅蘿蔔刨全部刨成絲；蒜頭刴茸

2. 雞蛋拂勻，倒入燒熱鍋內炒成蛋碎盛起

3. 原鍋再下油把蒜茸爆香，加入紅蘿蔔絲炒至軟，蛋碎回鑊拌勻後再加入水半碗煮一下至軟硬度合你心意即可加入鹽調味上桌

椰菜炒韓式辣醬雞丁

買左盒韓式辣醬做菜，不單可以換下口味重要好方便添

材料：

雞扖2件，椰菜1個，芝麻1茶匙，蒜頭2粒

醃料：

韓式辣椒醬2大湯匙，醬油1茶匙，糖1茶匙，米酒1湯匙

做法：

1. 把所有材料洗淨，雞扖切成大丁放盆內，蒜頭刴茸和醃料加入內拌勻醃個半小時

2. 椰菜切細

3. 燒熱鍋，下1湯匙油及醃好雞丁，炒至轉色後再下椰菜炒勻，加入半碗水加蓋燜煮約3分鐘，等雞肉熟透即可上碟

靠北揾食 (21)—福永傢具村

朋友仔在惠東十里銀灘買左個單位用作退休渡假之用，又因為退休之期不遠所以全力打造安樂窩，早前把新居重金裝修好，現在準備買傢具中，人家很多東西都在淘寶或大陸買運回香港，朋友仔是在香港訂床、買床上用品搬回大陸

一個家除了睡床以外有很多東西都要買，今次我跟朋友仔到福永睇傢具，這裏很大，大置上分為四個區由最便宜國內產貨式到最高級北歐式傢具

 朋友仔已經睇過一次了，上次她睇左最底級區一個區都用左8個小時，今次她拉著我由最高級睇落去，不過我只用二個小時就把她拉走，因為一張雙人疏化都要價1萬8千元，她咀裏還念著好睇、好靚、好鍾意，全場推銷員就拉著她週圍睇週圍坐，但！我就左彈右彈不停推並把不情不願的她訓話一輪拉走

 第二區式樣跟香港好像，但價錢比香港要高一半

 在香港食左早餐直接搭地鐵到福永行左成2個小時，我提出要食午飯，其實已經超過2點了，過對面益田假日大地商場揾食，尼度有幾十家食市任她挑，結果她還是選中式最傳統個隻😓尼度D網紅店竟然吸引唔到佢

 時間是二點半大陸D傳統酒樓要下場，又要慳電無空調所以又熱又無乜服務員，因此我特意發脾氣並提醒她注意這裏不是香港、深圳(深圳市以外的地方行舊習慣)，因將來她長時間係大陸生活要注意這些不太方便的事情(我曾幫她開通一個大陸電話，這次上大陸她竟然無帶，問點解，答案是諗住無用。但結果傢具店店員想要她的微信連繫，結果........)😞

這裏近深圳寶安機場，但！價錢一點都唔平，重要味道麻麻

蝦餃，皮好厚

韭菜餃—都好多餡，不過我無乜興趣，粟米鮮蝦煎餅—好細個味道一般

金沙紅米腸—這個網紅腸在深圳每間酒樓一定要有，味道好淡，勝在很鬆趣，外邊一層很軟

排骨飯

豬什粥—粥底都0K，豬什洗得唔係好乾淨什有味

食完落樓下盒馬鮮生行下睇下，我跟她說我地不是會員又無微信支付唔比買野，he~ 她唔信特意找出破我方法，終於比她揾到有現金支付，並跟我蹌聲，登記做會員咪得囉~    激死

 這個是區是最底級的，價錢非常大眾化，所以在這裏買左套沙發、茶几、電視櫃、床頭櫃仔都唔使6000元，但！她都磨左4個多小時

走之前我話口渴，她無耐陪我飲奶茶

叫了杯芒果芝芝，什錦丸子，雜菓盤休息2個小時就回香港

走的時侯已經很晚了，我特意去寶安機場睇下，又幾靚啊~ 

最重要冷氣夠