酥炸角仔

角仔以前是媽媽過年必做新年食品，亦是我唯一有印象，

又有清晰要求的東西，以下有一個很接近的食譜，

因我是跟隨媽媽給我的印象，用手接觸，發覺

不夠軟加油，過濕加粉的，如果喜歡鬆脆的朋友可以試吓。

但你們要留意我要強調落的是豬油呀！

食譜是麵粉8両，豬油2両，蛋半隻，滾水半杯。

將麵粉過篩，加入豬油拌勻。

拌勻後加入半隻拂勻雞蛋再拌勻。

(加蛋液是想出來效果比較金黃，但無咁脆口快冧。)

加入雞蛋拌勻後，再加水拌勻，用手輕搓成一

不黏手的柔軟麵團，如果覺得太軟，

可以增加1-2茶匙麵粉。

枱上灑上乾麵粉，用棍將麵皮輾薄可用水杯鈒出圓形，

花生白鑊炒至脫皮，芝麻炒至金黃色。

(將1份芝麻，1份椰絲，2份砂糖，2份花生撈勻成花生餡)，

包入適量花生餡，對摺成半月形，收緊邊位壓扁，

並扭上花邊(鎖邊)即成。

(記著邊位不要沾到砂糖，否則落油鑊炸時會爆口。)

用大滾油炸至金黃色即可取出。

不是100分，還好算薄皮。

 

點解一開始我話這個食譜係接近，因為以前d老人家沒有特定份量，

大家也可按自已要求更改，以上份量約可做35隻，