台式卷蛋

介紹一吓 " 陳先生餐廳 "先， 因為佢嘅味道真係好好呀，尼個巴東牛肉43蚊，不包飲品，牛肉用牛(月展)去燜，小小辣又有點酸酸好開胃，但！成碗都係牛肉，相當唔錯

咖哩牛腩飯38蚊，用坑腩去煮，好香架，重有小小辣



炸雞餐35蚊個，雞脾炸得很酥香，至於個辣醬可以請店家分開，因為超辣，愛食辣的一定鍾意，辣醬同我地上海店個豆板醬個樣差唔多樣，無咁咸，好香同埋超辣

 

食完野就去上堂
今堂學整台式蛋卷，hehehe~ ~ ~



真係未試過咁配搭，餡係粟米粒、吞那魚、青瓜同埋沙律汁咸咸，餡配方包，變成三文治就好好食，咁樣‥配個甜甜的外皮就怪怪囉

下面尼個係我整 卷得唔係幾好

泰式風味魚丸湯

 

材料：

魚蛋半斤、紅咖哩醬1湯匙、辣椒粉適量、紅辣椒2支、檸檬葉4片、南薑 2片、胡椒粉適量、豆角斜切段約6支、小茄子5個、九層塔  適量、上湯1盒
調味料：
魚露3湯匙+椰子糖2茶匙
做法：
1.紅咖哩醬放入湯鍋內先倒入5 00cc的上湯煮滾，再放入南薑及撕開的檸檬葉。
2.豆角及小茄放入作法(1)內煮至茄子熟下紅辣椒及辣椒粉
　再倒入魚蛋及調味料煮熟盛入碗內灑上九層塔

青木瓜絲沙律

材料：青木瓜300克、蕃茄、蒜茸1湯匙、指天椒1隻、花生適量、蝦米1湯匙、香葉、檸檬片。

調味料：
魚露1湯匙、砂糖2湯匙、檸檬汁2湯匙。

做法：
1. 青木瓜去皮去籽，洗淨切絲備用。
2. 蕃茄切小塊，蝦米泡軟蓉。
3. 取作法1加入蒜茸、辣椒碎、蝦米以及所有調味料拌勻，再加蕃茄、檸檬片及花生碎拌勻，最後撒上香菜裝飾即可。

 

 

黑森林蛋糕

 

今堂係整黑森林蛋糕，真係好好味架，今次學整埋餅面添真係好好玩

 

韓式粉絲

材料：韓式粉絲1包，蛋絲適量，青、紅、黃椒各1個，金菇1包，
洋蔥半個，芝麻1湯匙，火腿絲半碗。

調味：韓式辣椒醬、醬油、糖、麻油、檸檬汁，鹽少許。

材料：
1. 煲一煲滾水，放入粉絲煑5分鐘，熄火焗3分鐘，撈起過冷河，再過冰水，隔乾水。
2. 洋蔥、青、紅、黃椒切絲，落鑊炒至軟盛起。
3. 火腿及金菇落鑊炒至香即可盛起。
4. 4湯匙韓式辣椒醬+1湯匙醬油+1湯匙糖+1茶匙檸檬汁+鹽少許+芝麻拌勻，把上面1+2+3放入4中拌勻即成。

而家係超市都可以買到，好方便重好平添。

涼拌茄子

材料：

茄子2條，蒜茸1湯匙，指天椒1隻

調味料：

醬油1湯匙，糖1茶匙，白醋1茶匙，醬油膏2湯匙，涼開水2湯匙

做法：

1.   茄子洗淨切段，隔水放入鑊蒸8~10分鐘

2.   把蒸好茄子放入冰水內降温後，撈起，  乾水份放在碟上

3.   把調味料拌勻成醬汁，淋在茄子上即成。