靈芝雞骨草茶

成日夜瞓，口苦苦精神麻麻地

係中藥房買D靈芝煲雞骨草，不但清肝熱又可以袪濕

材料：
黑靈芝，雞骨草，棉茵陳，雲苓各1兩，蜜棗2粒
做法：
把所有材料洗淨，放入滾水鍋內煮至沸後30分鐘，轉中小火煮2小時即可

甜品控5 —幸福的生活

大小姐喜歡甜食，有她在家裏甜品一定不會小，今個月再多做多一樣叫月餅

大小姐做美勞有個唔好習慣，會重覆做到完美為止，現在做月餅也是，因此今年我家有很多迷你酥皮奶皇月餅出現，途中大小姐還加入了曼越莓口味，紐約芝士味，榛子朱古力口味，當中重用曲奇皮黎配添！！！

睇住她做餅，自己都手痕，最後自己都整左盤迷你月餅

鮮蟲草花蒸雞

平日多數用金針雲耳蒸雞，今日見有新鮮蟲草花，就用蟲草花蒸雞健康好味又方便

材料：

雞半隻，木耳少許，鮮蟲草適量，紅棗數粒，薑絲少許

醃料：

醬油1湯匙，鹽半茶匙，糖1茶匙，生粉水1湯匙，麻油1茶匙

做法：

把所有材料洗淨，木耳浸軟去蒂；紅棗切半；雞用醃料醃半個小時後，跟其他材料拌勻鋪上碟，把雞放入鍋內隔水蒸15分鐘後，熄火焗3分鐘即可

花燈街及提早過節

元朗大橋街市內有檔衣紙鋪掛滿花燈任人影，今年上左新聞紙，日日都有好多人去影花燈，一入去可以見到大家都舉起手機不停取景影相

 

  

 這裏不單有新款手作紙紮燈籠，重有好多傳統款及膠燈籠任君選擇

晚上去左天水圍同家姐們食飯做節，今年市道很好，定左枱都要等

收到細佬妹D手信，亞妹做D酥皮奶黃月餅好掂，佢舊年重因此賺了一筆很大外快，不過今年大小姐都賣月餅，當然彈亞姨口味太濃，哈~ ~

紅、綠豆雪耳糖水

 己經過了白露一早一晚天氣較涼，喉嚨總是有點乾，煲個糖水先得，我屋企人口味個個唔同，大少鍾意綠豆，大小姐鍾意紅豆，我就鍾意雪耳，咁！就三樣一齊煲吧~ ~~

材料：

綠豆半碗，紅豆半碗，糯米少許，陳皮一塊，雪耳少許

調味：

冰糖少許

做法：

1. 把所有材料洗淨，雪耳浸軟後剪去硬蒂；陳皮浸軟後，刮去嚢

2. 陳皮放入煲內，加入適量水煲至滾後，把所有材料加入煮至滾後30分鐘後，轉中小火煲1個小時，加入冰糖調味即可

兩碗豆加1/4碗糯米份量有點多，可以按個人需要減小，又如果可以洗淨後放入冰格雪二個小時，之後連冰一齊放入滾水煲內煮15分鐘，就很快速有得食了