驚嚇忌廉蛋糕

不知那天回到家中，

擠滿女孩子，原來大小姐嘅同學上左來整蛋糕，

到全部人走了之後，滿目瘡痍，一堆善後工作外，

還有一堆材料剩，第二天我拿來試做我未做過的忌廉蛋糕。

一直以來都是只做芝士蛋糕及清蛋糕，

今次要為忌廉蛋糕獻出第一次，希望唔好嚇親你地。

先把蛋黃4個加入35克砂糖打至淡黃色。

把蛋白4個打至發泡後，分3次加入砂糖100克，

打至可劃出完整8字但細軟狀。

先將一部份蛋白撥入蛋黃拌勻後，再將全部蛋黃漿

放入蛋白中，輕手拌勻，低筋麵粉135克過3次篩，

加入蛋漿中，輕手拌至無粉粒，再加入溶牛油30克。

倒入7.5吋模內，放入180度熱焗爐，焗20-25分鐘。

焗好後放涼。

個底噥左，切開比大家睇吓，唔....都好軟身，

濕潤，但不太鬆身欠小小。

把甜忌廉打發至企身。

 

將餅底分二份搽上甜忌廉及提子味啫哩。

再加上一片餅底，用甜忌廉把餅周圍塗一層忌廉。

放上裝飾即完成。

 

做蛋糕裝飾真係好難，想像，同出來效果差天共地。

不過料好，又實在，又係度自己讚自己。

 

椒絲腐乳炒雞球、蒜子蝦米浸莧菜

椒絲腐乳炒雞球

 

去骨雞脾肉2件洗淨、抺乾水切件，放入腐乳1磚，

生抽1湯匙，糖半茶匙，生粉1茶匙拌勻待片刻。

紅椒1隻(切絲)，薑2片，蒜2粒拍扁，西芹(切件)3條。

燒1湯匙油，把芹菜略炒，盛起。再加入1湯匙油，

爆炒雞球至七成熟，下紅椒、薑、蒜頭兜數下，

再下腐乳3磚，贊少許酒，加水5湯匙，生抽1茶匙，

糖1茶匙，把雞炒熟及至入味。

最後加芹菜及生粉水埋芡即成。

蒜子蝦米浸莧菜

粉葛蠔豉廋肉湯

一直我家唔會煲葛湯，係因為以前大少飲左會發燒。

但唔知點解佢會叫我煲，無理佢，佢重自已走去買材料返來。

迫住我要煲，嗱，發燒唔關我事。

粉葛蠔豉廋肉湯

豬骨一斤，廋肉半斤，過滾水3分鐘，撈起過清水；

粉葛斤半，去皮切大塊；鱆魚頭1隻洗淨；蠔豉1兩洗淨。

將粉葛、豬骨、廋肉、蠔豉、鱆魚頭擺落湯煲內，

加入適量清水，大火煲約15分鐘後，轉用慢火煲湯約2小時即成。

 

此湯有健脾益陰、生津止渴、降糖降壓功效。

總是擔心

 今天囡囡學校派隊參加環保時裝表現，昨天打電話告知要去通宵幫同學手完成該件衣服，她除了一次跟學校交流外，沒有獨自在外過夜，而該同學也只是在隔離街，沒在家過夜總是不習慣。

勝瓜鹹蛋肉片湯

最近家裏的人很喜歡往外跑，所以煲甚麼老火湯，

會顯得浪費，自己一個人會簡單滾個菜湯配飯就是一餐，

街市有很多勝瓜提早上市，就滾個勝瓜湯吧，

今次配左鹹蛋，是想它比較下火及多個香味。

勝瓜鹹蛋肉片湯

韭菜豆腐

早幾天有d唔舒服，作嘔，腸胃有點不舒服，

食左2日藥情況好番d，但都有點輕微問題未解決。

無意中係上海館子吃了個韭菜餅，之後回到家中做左個韭菜餸菜，

吃完後發覺那些輕微反胃，噎膈，痢疾等問題一掃而空。

上網查發覺它功效很大，所以要介紹一吓比大家，

而且係温性菜蔬，就算寒底的人食也無問題。

韭菜豆腐

皮豆腐1塊壓去水份，切作條狀；煙肉3片切條狀；

韭菜二両除去白色部份不用，綠色部份切成條狀。

先將豆腐煎到兩面金黃，盛起；下煙肉及薑茸1湯匙略炒，

再下辣豆辦醬一茶匙，生抽1湯匙，米酒、糖各1茶匙炒香後，

豆腐回鑊加韭菜炒勻至熟，即可。

 

煙肉有吊味作用，可以不用，改用鮮肉片做不到效果。

蝦乾炒肉片

蝦乾炒肉片

2010年4月19日下午5:17公開累積瀏覽 40 2

                                                               

蝦乾炒肉片

蝦乾沖淨略浸軟，隔水蒸10分鐘；青瓜去瓤切件；

豆豉洗淨，用熱水泡一會隔乾水；

辣椒豬肉片半碗，加入生抽1湯匙、砂糖半茶匙、

生粉半茶匙、生油1茶匙拌勻略醃片刻，

用少許油爆香豆豉1湯匙、蒜茸1茶匙、乾蔥茸2湯匙，

下豬肉拌炒至轉色，下指天椒4隻(食得辣把椒切碎)

生抽2茶匙、砂糖半茶匙、紹酒2茶匙，水3湯匙兜勻後，

加入蝦乾和青瓜，兜至汁乾加麻油即可。

白汁海鮮意粉

今次用芝士來煮一個白汁，又快又簡單。

白汁海鮮意粉

先燒熱一鍋水放一茶匙鹽，下一份意粉煮約7-9分鐘；

另一Pen燒熱放下一湯匙油及蒜茸，炒至蒜香下蜆略炒，

再下白酒加蓋，焗約一分鐘，待蜆開口即盛起，下魷魚及蝦略炒後，

加小於半碗清水及半碗煮麵水煮滚，同時將意粉由水鍋移至Pen中，

轉中小火加入淡忌廉略煮，加2片芝士片，待芝士片軟化同時，

蜆回Pen 拌勻即可上碟，加少許芝士粉及香草即成。

腰果蝦仁、韭菜菜甫炒蛋

腰果蝦仁

腰果1碗放入有鹽熱水中，浸約5分鐘隔乾水，

吃乾後，放冷油中炸至略變色即要撈起。

 

蝦仁半斤(洗淨去腸泥)剖半後吸乾水分，

用蛋白半顆、1小茶匙鹽、少許生粉醃。

 

薑切茸，蒜切茸各1茶匙，蔥白2根切蔥花，

紅椒半顆、青椒半顆、黃甜椒半顆、西芹全部切小件，

(配色用可依個人喜好加數量)。

 

燒熱油鍋，將三色椒、西芹先下鍋略炸後，

加入蝦仁一起下鍋過油約15秒後全部撈起備用。

先調好醬汁：2湯匙海鮮上湯或清水 + 1/4湯匙生粉 +

少許胡椒粉 + 1茶匙麻油 + 1茶匙鹽。

燒熱鍋，爆香蔥薑蒜，接著加入三色椒及蝦仁，

下1湯匙米酒後，再下醬汁翻拌均勻即可上碟，

上碟後在表層鋪上腰果即完成。

 

韭菜菜甫炒蛋

雞肉粗管意大利通粉

雞肉粗管意大利通粉

煲一鍋滾水，下一茶匙鹽，把直通粉放沸水內煮至軟，盛起。

煲內燒1湯匙油，用中火先把洋蔥(切條)炒透後，下

雞肉(切成條)炒至熟，加入煮直通粉水1碗及通粉，

轉細火加淡忌廉略煮一會即成。

蕃茄肉未、香煎撻沙

見塊面開始出啲淡淡雀班，

表示血管唔係好暢通，即刻煮多D蕃茄吃。

蕃茄肉未

上圖有豬肉碎1碗(可減半)，蕃茄1大湯碗，

薑茸2湯匙(可減半)，蒜2湯匙(可減半)，

指天椒切碎(可不用)，蔥花3湯匙，芫莤3湯匙(可不用)。

燒熱鑊，加一湯匙油，下豬肉炒至香，盛起；

原鑊下蕃茄炒軟，加入薑茸、指天辣略爆後，下蒜茸、

蔥白略炒後，加入約1杯水略燜一吓加入鹽、糖、

胡椒粉調後，下蔥花芫茜拌勻後即可上碟。

這個餸有點點辛辣。

冬瓜草菇雞肉粒湯

天氣一時凍一時熱，搞到個人有D好倦，

滾個冬瓜湯去去濕先。

冬瓜有益身體，特別是它含有亞油酸，

能降低膽固醇，抗血管和神經細胞的硬化病變，

而且尿素有利尿消腫功用。

特别是在夏天，最適合飲冬瓜湯，可清除熱毒，

上署熱病能更快痊愈。

冬瓜草菇雞肉粒湯

冬瓜去瓤切粒洗淨，放入煲用水煮至腍；

草菇開邊汆水後加入冬瓜粒中；用鹽調味，

雞脾肉洗淨抺乾水切粒，加糖、生粉、酒、

胡椒粉、雞粉各少許，略醃後加入冬瓜粒中，

湯再滾起後即可。

超簡單蘋果批

這個蘋果批超簡單

慢火燒熬煲，用15克牛油放入鍋內。

蘋果2個去皮切小丁後放入鍋炒。

放入肉桂粉1茶匙，金黃砂糖2湯匙。

加入一湯匙水，中慢火一直炒至蘋果軟身，呈透明狀即可

大約需時10分鐘。

將現成酥皮一開四，放上蘋果餡，搽上蛋漿。

焗爐用200度火焗8~10分鐘即成。

爐温如果唔夠最好先放入較底位置，

約3分鐘見酥皮底部有生命反應就可轉回中間位置。

 

最後灑上糖霜即完成。

中山珠海、澳門豪食之旅2

因無乜節目所以加左68蚊人仔有 show睇。

都幾熱鬧架門口有人打鼓，灑水祝福，派糖。

節目長70分鐘，都係民族舞、歌唱表演，四川變面又有，

司儀似詹瑞文攪笑模式咁 la，重有抽獎咁添。

之後到石景山公園行吓，睇人玩。

之後到天歌府吃  巴西風情BBQ 自助晚餐。

環境都唔錯，幾有情調。

份量又充夠，招待嘅人數小D，大家唔使搶，

而枱面除左肉外甚麼都有。

這裏特式係肉類燒好後即席片比大家食，

都幾特別，不這小心呀，唔係好安全架，d哥仔概手勢好差，

隔離己經出過事了，我地枱因導遊儍吓儍吓亂安排坐多左人，

亞哥一埋來大家已經彈開避佢把刀。

燒嘅食物都好多種類，計有好好味孜然羊肉，雞心，

羊脾，豬脾，鮮冬菇之外，雞脾仔因巴西風味辣到飛起，

甜到你死义燒，肥到死豬肉，冷冰冰午餐肉，

Un到死魷魚，鹹到死草魚，最奇鴨胸似羊好譠。

待應哥哥會因應人數切多少件，每件一口一啖，

可能一開始食太多其他食物，攪到我地都唔想食，

食肉獸朋友更話講你見過我不停食生菓未？哈 咪今次囉。

今餐嘅味精含量比中午好一點，不知是否食用太多生菓而有影響。

七點零鐘就送我地反酒店，好彩我地前一日各自玩，

無也點瞓，今晚一上床個個都即刻瞓著，

如果唔係都幾無聊。

我地住宿酒店，都算乾淨設備齊，

原來4月1日起廣州酒店不再提供一次性用品，

而中山珠海都可以因應客人提出供應，

但10月1日開始亦強制無得供應，下次留大陸要記得帶牙膏呀。