粉葛蠔豉廋肉湯

一直我家唔會煲葛湯，係因為以前大少飲左會發燒。

但唔知點解佢會叫我煲，無理佢，佢重自已走去買材料返來。

迫住我要煲，嗱，發燒唔關我事。

粉葛蠔豉廋肉湯

豬骨一斤，廋肉半斤，過滾水3分鐘，撈起過清水；

粉葛斤半，去皮切大塊；鱆魚頭1隻洗淨；蠔豉1兩洗淨。

將粉葛、豬骨、廋肉、蠔豉、鱆魚頭擺落湯煲內，

加入適量清水，大火煲約15分鐘後，轉用慢火煲湯約2小時即成。

 

此湯有健脾益陰、生津止渴、降糖降壓功效。