椒麻皮蛋

開始有點壓力，因之前收到護理課程主任電話表示要補考，

最初心情無乜特別，只知要收拾心情温書應付考試咁啦，但！

之後收到同學們的關心，大家希望可以一齊行畢業禮，

吓！又幫我檢討上次失敗嘅地方，重幫手係約600頁紙中，捉題目，

最後收窄到四個必考地方，噢！30頁紙要重温，得兩星期，今次真係要開夜車，

個個都叫攞假温書，唉！盡量啦，希望可以啦。

 

 

所以無乜時間，吃住皮蛋先啦。

皮蛋放入熱水煮10分鐘至熟，去殼切件，放碟上。

蔥切花，蒜切茸，花生拍碎，辣椒切碎，花椒粉，辣椒豉油，芫茜，辣油，蘋果醋，白開水全部拌勻淋上皮蛋上即可。