三聖食海鮮

有同事要走啦，所以借d意約埋一齊吃海鮮歡送佢。

 

揀三聖村係，同事好多時黎買海鮮都係幫襯佢，
老板會介紹D抵食又啱時候海鮮比我地。 

上次係流浮山見d海鮮無尼區咁多咁大隻。

最後以2500蚊買左29斤海鮮，:D我地都好開心咁走去揾店家加工。

同事一向幫襯興記，但佢成班廚房佬過左黎棠記，我地一於C 跟，而且老板娘話油料錢會計平我地，無計開瓶費，29斤海鮮連汽水埋單連貼士只用左1700蚊^^，好開心呀又抵左，而且佢地整得好好味架~~^^。

環境無海天咁好咁舒服，我地係實際人，最重要平。哈)))))

未吃到失晒儀態之前，我地先黎一張大合照先。 

先上  白灼九節蝦

再黎半邊燒鵝，訂枱時就要訂埋呀，唔係無得食架，
因為佢真係皮脆肉鬆化架。

  醬爆聖子好惹味

豉油皇煎大蝦Yum Yum Yum，你地睇吓 
~~ 好大隻呀，爽口又彈牙。

椒鹽瀨尿蝦好味又多膏

蒜蓉粉絲蒸象拔仔，鮮甜到不得了。

睇見都想再食。

辣酒煮花螺

中班成六斤重一條，最好起肉炒球。

而D腩位魚頭魚骨炸左佢送酒一流。

美中不足的薑蔥焗生蠔，而家d蠔比較廋，尼度有兩桶蠔煮埋都唔係好見食。

最正係尼個鹽焗奄仔蟹，三月係食奄仔，夠肥骨同膏都軟又唔會硬。

海龍皇湯，係買海鮮時店家送的，需然係d小魚小蝦小蜆，酒家為我們加上白菜豆腐，煮出濃濃海鮮湯，非常鮮甜無味精，飲完好想再飲。

今餐大家都好滿意，除開每人都係320蚊，
都未散席大家都心郁郁約下次再黎時間。