冰皮月餅

之前做冰皮月餅，試過好多配方，結果都係硬。今次這個方都幾好，硬得.........慢d。哈~

 

冰皮月餅(約10個)

   材料：

麵粉15克，糯米粉30克，粘米粉30克，砂糖30克，牛奶135克，菜油/牛油2湯匙，煉奶2湯匙，食用色素

 

冰皮做法:將冰皮材料完全混和, 放入一個大和平底的容器, 放蒸籠以大火蒸約五至十分鐘至熟, 取出待涼, 搓成粉糰, 放入雪櫃雪1~2小時或過夜, 取出再搓滑揉至有彈力備用,另外一些糯米粉用白鑊炒至微黄成熟糕粉或用片粟粉

 

將冰皮按薄, 包入約40克餡, 灑上糕粉, 按入月餅模, 將月餅敲出即成。
此食譜可做10隻迷你月餅。

將製成品放入雪櫃, 要一星期內食完啊！

 

尼個皮好黏粉，本來想印左花出黎即掃咁D粉，點知一掃個花就扁左，攪到我企左係度，只好由得D粉留係度。

 

用抺茶做外皮嘅抺茶紅豆

 

內餡自己用綠豆炒，因為唔想咁甜，所以減左好多糖，亦因此較為鬆散。

 

用咖啡做外皮+綠豆蓉軟心朱古力

原味+綠豆蓉咸蛋黃




需然唔係好靚，但包裝好送比人都唔失禮吖。