合掌瓜去濕湯

尼一輪天氣熱煲湯，煲黎煲去都唔知煲乜好，見合掌瓜當造又平，加埋扁豆、赤小豆、豬肉一齊大火滾15分鐘後，轉中小火煲個半小時，夠晒甜又去濕呀。

不過可能今個夏天實在太熱，我不停咁煲去濕湯水及涼茶，咁大少同埋大小姐唔多飲，迫住我要包底，可能飲得太多涼野，腸胃有點不適，和同事傾起這情況，她也有不適，結論係我地上左年紀無乜火，只好一星期飲一次涼茶及清熱湯水好了。



但！我家大少就喜歡飲用啤酒消暑，又鍾意打機到3~4點，


結果！



個身出滿紅紅的豆豆，重好痕添。




(為免嚇親大家，挑一個無咁驚嚇位置，又開始消退的肉照)

醫生話：可能平時食埋飲埋太多生冷野，又夜瞓，積積埋埋，一次過谷晒出黎，執劑茶會好D。

忠告大家有時間揾吓中醫清吓個底，唔使谷谷埋埋一次爆發有牌搞。