蘿蔔糕

今餐輪到蘿蔔糕啦，放雪櫃留得耐D，唔想有乜特別氣味，唔放冬菇同蔥，所以睇落顏色素D

 

水蟹粥

材料：
米1杯，水蟹2隻，薑、蔥各適量

做法：
1.米洗淨，加入油 和鹽拌勻，醃45分鐘，加入水煲內煮至大滾，轉中細火煮50至60分鐘。
2.水蟹洗淨斬件，加入薑絲，米酒略醃10分鐘。
3.瓦煲燒熱，加少許油把薑絲、蔥絲爆香，加入蟹件略炒，把白粥加入煲內煮至再滾起，加蓋煮10至15分鐘即成。

角仔

準備賀年食品了，今次輪到角仔登場，街賣嘅貨一年比一年貴，所以只好做女工密密做了

打冷

同Blog 友仔 活活 笨啦啦食飯，係元朗新福星聚一聚，這間店改名後我都無黎過，這間店都好多人幫襯，D枱開到成條街都係，難怪的，味道算ok，係價錢大眾化，份量都算多，5碟小菜加6枝藍妹，+埋都係499，可以坐一晚，又食又吹都幾好架

黑木耳炒肉絲

廚櫃重有樽腐乳，清埋佢，另尼個餸睇落無乜野特別，實際非常惹味

 

材料：
黑木耳1大朵、肉絲約半斤、辣椒絲1匙、薑絲1湯匙、芹菜碎1大湯匙、蛋皮絲、上湯150cc

 

 

醃料：
全蛋1/2顆、粟粉1茶匙、醬油1茶匙、湯1湯匙

 調味料：

麻油1湯匙、腐乳3小塊

做法：

1.黑木耳切去蒂頭捲起再切絲；豆腐乳壓碎，加入上湯拌勻備用。
2.豬肉逆紋切絲，加入蛋汁、粟粉、醬油、1小匙的上湯拌勻，過油撈出備用。
3.同鍋濾乾油，下薑絲、辣椒絲炒香，再下黑木耳炒香，下上湯燜熟後，下調味料、肉絲、蛋皮絲炒勻，起鍋下芹菜拌炒即可。

年糕

好快又新年啦，要快手準備吓啦，唔係出唔到貨架

算最早新春盆菜宴

自從西部通道及福田口岸開通之後，返大陸就方便好多，早幾日，去大家姐屋企西麗村食盆(其實條條村都有，我地蛇口都有，係唔知邊日)，人多一齊開心d
到埗 點解祠堂關上門  啊！大鄉里，人家後庭好大架。哈~  ~

個舞台都好大，有歌舞表演及抽獎，今次大約200圍，枱面有飲品、生果、花生、紙巾，餐具，家姐話人家最高領導人那處，枱面都係咁架乍
我地只係抽中生油同埋米，至於10份大獎就無份，大奬有現金同i瘋、ipad同ipot，佢地節奏好慢，我地食完盆，周圍行吓，結果先出晒黎   之後去嘆埋杯奶茶就返香港la 。

見班美女係度影相，以為佢地一陣做表現嘉賓，點知‥‥原來佢地係待應生0‥‥ 





燒完炮丈就可以開餐啦，尼度d盆菜比較簡單，但份量就好大，我地9個人只係吃到面個陣乍

週圍行完，去茶餐廳飲杯茶，尼度d茶餐廳水準都好高，價錢換算過黎都ok ，但！比香港舒服都唔錯

鹿茸清雞湯

黎多劑重口味補身燉品，食完真係成身暖晒，你地唔好立亂食啊！傷風感冒唔食得，食之前要清吓個底先得架

材料：
鹿茸五錢、雞半隻、紅棗十粒、生薑三片、紹酒半杯



做法：

1) 雞劏好洗淨，去內臟、頭和尾。以紹酒塗抺雞腔醃半小時。

2) 鹿茸以紹酒浸軟。紅棗去核洗淨，生薑洗淨切三片備用。

3) 將雞置於燉盅內，倒入鹿茸紹酒、紅棗、生薑，注入清水，隔水燉四小時，以幼鹽調味即可飲用。

回鍋肉

材料：
五花肉(水滾鍋煮)1塊、豆乾6片、椰菜1/4顆、辣椒1隻、蒜頭2粒、薑2片。

調味料：
甜麵醬1大匙、辣豆瓣醬1大匙、麻油、鹽、糖

做法：
1.豆乾切片、五花肉切薄片、椰菜切片、辣椒剖半切段、蒜苗頭茸，備用。
2.起油鍋，放入豆乾、五花肉片過油後，撈起瀝油。
3.起水鍋，加1匙鹽、1匙糖，放入椰菜加蓋煮軟後，撈起瀝乾備用。
4.燒熱鍋，爆香薑、蒜茸後，放入豆乾、五花肉片翻炒均勻，接著加進椰菜，調入1匙甜麵醬、辣豆瓣醬、糖調味拌炒，起鍋前淋上少許麻油提味即可。

辣炒雞件

見凍凍地，加多D辣椒，真係好禾味，又好送飯，我諗喜歡辣的Blog友仔一定好喜歡

材料：
雞半隻 ，芫茜梗、乾辣椒、花椒粒、豆瓣醬、鹽、糖、生抽各適量
做法：
1.把雞件洗淨，加入糖、生抽、生粉、水拌勻。
2.燒熱鑊，放入油及花椒粒，待花椒粒轉深色，隔起花椒粒，再加入乾辣椒泡至漲身盛起乾辣椒。
3.原鍋加入雞件炒至金黃色，加入薑片及辣豆瓣醬拌勻，加入水加蓋至熟後，芫茜梗、花椒粒、乾辣椒回鑊拌勻即可上碟。

川貝海底椰糖水

川貝、雪梨係冬天必備糖水

做法好簡單，今次加埋新鮮海底椰貪佢畫面豐富D，而且份量可以因人而定，雪耳浸透洗淨；川貝弄碎；新鮮海底椰，去硬殼切件；雪梨去芯切件。
將所有材料放入煲內，加入適量水，大火煲滾約15分鐘，轉中小火煲45分鐘，加入冰糖即可。
雪梨出晒味會變得酸酸，我貪靚所以拎起，擺過D新鮮嘅影相好睇D，不過！你如果有客人都可以咁做， 好睇D嗎 hehehe
 

炸菜蒸肉絲

好耐無整個D咁古老嘅餸，而家物價貴，煮親尼D餸，飯都食多兩碗，唔錯架

而且做法只是把肉切絲，用糖、生粉，胡椒粉、水醃一醃，炸菜切粗絲浸淡後，同肉絲撈埋放入碟，隔水蒸12~15分鐘即成。

杜仲烏雞湯

當歸頭、玉竹，川斷、白芍、杜仲、杞子、川芎、陳皮
所有材料用清水略洗，用清水四碗浸藥材十五分鍾，加入6碗水及烏雞用中火煲3小時左右

這麼多材料有無把大家嚇親 ，我諗住調理下身體，補下腰骨，一次係唔夠，這是我預計要煲四次用的，所以大家不用怕。