奇異果B

今次介紹吓奇異果酵素B，飲落甜甜地，有奇異果香味
只要把相同份量的奇異果、檸檬及1:1冰糖放入乾淨的樽內，你會睇到冰糖因為檸檬的酸而溶解，14天就可以飲得架啦

飲左酵素只有幾個月，覺得皮膚真係好左，就算有痘痘都好快謝



有人話奇異果酵素充滿維他命C，重有清熱生津，止吐瀉。

 

西餅、蛋糕班(第四堂)

今堂亞SIR教整粟子芝士蛋糕、酒心朱古力撻，上面D係亞SIR整，下面個蛋糕係我整架

 

菠蘿炒飯

 

 

 

嗱！唔好話齋無肉呀，過年食咁多，塞左咁多野入腸都要清下D腸胃架，唔係身體個消化酵素運作唔到，實病姐，我重用新鮮菠蘿添呀

原本我係想懶靚咁用個菠蘿做成船咁，載住D飯，點知無論點都挖唔到，咪唯有碎上囉

材料：白飯1碗、新鮮菠蘿1/4個、豬肉鬆適量、蔥1棵、芫茜1棵、腰果。
做法：

1.菠蘿切小片；蔥洗淨切粒備用。
2.起鍋，乾烘菠蘿片至水分蒸發後，盛起備用。
3.原鍋，加入少許油，打入2顆蛋炒散至半熟狀態，加入白飯、腰果、菠蘿片均勻翻炒，再加入咖哩粉、椰漿、醬油、胡椒粉、少許鹽調味即可盛起，最後撒上蔥花芫茜、肉鬆即可。

後記：

菠蘿容易出水，為了防止與炒飯結合時出水可先乾烘菠蘿，讓水分蒸發。

 

 

 

炸魷魚

 

需然膽固醇高，但！想食炸魷魚，見耐無食，就煮返次食吓啦

做法又好簡單乍，把買回來魷魚鬚出一出滾水，放入酥炸粉中拌勻，放入油鍋中炸至外表金黃及小小硬，即可取出，灑上椒鹽 好味道，覺得漏可以加點檸檬汁，咁樣好快一盆都食晒啦

檸檬薏米水

春天天氣真係好濕，煲D薏米水，加番D檸檬汁，蜜糖就好好味
只要將薏米煲45分鐘就可以飲得，真係好容易呀
飲完皮膚又白又滑

吞那魚燒豆腐

材料：
豆腐2塊、吞那魚罐頭1罐、蒜苗2支、紅辣椒21條、芹菜1棵、蒜苗1棵、豆豉5克、薑2片。

調味料：
蠔油3湯匙、米酒2湯匙、糖1茶匙、咖哩粉1湯匙、麻油1茶匙

做法：
1.蒜苗剖半切粗粒、紅辣椒剖半切條、芹菜切段，備用。
2.起鍋熱油，取豆腐剖半，下鍋煎至兩面金黃上碟。
3.起鍋熱香麻油，爆香薑片，下蒜苗、紅辣椒、芹菜段、豆豉、吞那魚罐頭炒香，以蠔油、糖、咖哩粉、少量水、米酒調味，起鍋前淋上麻油即完成。