日式咖哩雞飯

 

 

 

又到麥X奴薯條時間，買一份食晒又真係幾肥架，掉又好晒，留番黎煮咖哩省時又慳錢唔錯架！

材料：
去骨雞腿肉1隻、洋蔥1/4顆、薯條1包、紅蘿蔔1根(去皮)、水1碗、辣味咖哩塊2塊、白飯1碗。

做法：
1.起鍋，雞皮貼向鍋，煎至出油後至金黃，拎起雞扖切大丁。
2.用雞油炒香洋蔥、紅蘿蔔後，加入切粒薯條後，加水燜煮。
3.待蘿蔔軟後，加入雞肉丁，待雞肉轉色，即可加入咖哩塊攪拌勻後起鍋盛盤。