2012年1月29日 星期日

黃酒雞

黃酒,是同事親手釀做的。


一日和同事傾起,很久沒有食過坐月的黃酒雞。而她剛好學釀了一些,並可以送一些給我,收到的時候,急不及待買雞反屋企煑。



久違了的味道,真係好想一食再食。



後記:
尼d "米糟" (圍頭人讀音 醜)喺流浮山d傳統小鋪,重要冬至前先有得賣架。
佢特點係米粒都食得,重煙煙UnUn,同用糯米浸叫 "酒讓" 唔同架。
he he ~ ~  !如果大家想親歷其景睇正確做法,
要等到年尾先可以約埋去睇囉。

但!方法,可以話比大家聽,大家可以用糯米試吓架。

先將米糟煮飯,同煮飯一樣比咁多水,但!
煮嘅時間要耐d,約九個字到,之後灘開扇至和暖,但唔可以凍,
酒餅弄碎,預一斤一粒,準備乾淨無水氣玻璃樽,
先鋪一份米糟於樽底,曬一層酒餅碎,
再放一份米糟,再曬一層酒餅碎,
直到鋪完為止,最後加入和暖水,要足夠蓋面為止,
用布包住玻璃樽以便保暖及存放陰的地方。
一星期後將米糟移入樽,這次要加冰糖碎,預一斤米糟半斤冰糖,
同樣一層一層鋪入樽,唔夠水要加玫瑰露談遮面,
(米糟無糯米咁多水份所以要用玫瑰露補足水份)
約一星期後可以食用。



黃酒雞煮法:

雞斬件洗淨,加入醃料備用。
先用油把薑片爆至香,加入雞件炒至表皮金黃焦香,加入黃酒及米糟略炒勻,
加少量冰糖碎、加蓋焗10分鐘(太乾加少許水),見骨突晒即可上碟。

沒有留言:

張貼留言

蒜茸排骨

把排骨先醃後燜這樣排骨較入口 材料: 排骨1斤,1個蒜頭,蔥2棵,乾辣椒1把,薑1小段醃料: 醬油1湯匙,料酒1湯匙,蠔油2湯匙 調味料: 啤酒300克、老抽1茶匙,鹽1茶匙,糖半茶匙 材料: 1. 蒜頭拍扁去衣、刴碎;薑切成茸 2. 排骨洗淨,加入薑茸、蒜茸醃料拌勻醃1個小時 ...