青島旅遊4

Day2 中山公園~青島觀光電視塔~湛山寺~基督教堂~訊號山~棧橋~春和樓

黎青島前查過公共巴士時刻表，頭班車係早上4點半開出，
心裏奇怪咁早開車，有幾多人搭尼？？

習慣窗外有光就會醒，一睇鬧鐘竟然係四點，
重以為睇錯添，無幾耐重有日出睇添。

咁就叫醒朋友仔起身吃早餐出門到中山公園行吓啦，
我地8點半到，但！尼地都好多人係度活動完走人添囉。

1898年，德國強佔膠州灣，逼清政府租借青島後，係會前村舊址起一個公園，取名為 " 森林公園 "，但到1914年的日德戰爭後，日本取代德國統治青島，在此公園廣種櫻花，形成一條近一公里的櫻花廊公園也名為 " 會前公園 "、 " 旭日公園" ，到1922年中國收回青島主權後，改名為" 第一公園"，又為紀念孫中山先生，於1929年5月再更名為 "中山公園" 

大門正正對著的就是著名的櫻花路，櫻花路直通動物園，是中山公園的主幹道。路兩側上萬株櫻花重疊疊，形成美麗的櫻花長廊。每年5月1日勞動節前後的二十天，這裏有青島一年一度的櫻花盛會。青島人幾乎傾城而出，櫻花路上人潮如湧，大有 ' 花開時節動京城'之勢。 不過！我係16到這裏，一早己知無櫻花睇囉。

櫻花會都結朿左5日啦，佢地都唔搬野走，係度刺激我。

 

早上嘅公園都好熱鬧，好多上年幾人都係度做吓運動。

 

黎中山公園主要係搭索道上電視塔。
80蚊係來回票，70蚊係單程，佢老板吖，差果10蚊，
來唔來回有乜分別。

 

個吊椅好簡單，茶園就好似在腳吓咁，
尼度D樹都好高刮到人，又唔剪。

旅遊觀光塔—係中國第一鋼塔，塔高232米，1994年
底峻工，2001年中國唯一的奧運大廳在此落成。

 

上電視塔，全票100蚊到塔球頂層，到塔球中層80蚊，
到塔碟50蚊。

 

買50蚊飛排尼到。人龍多到排出門口，
不過唔悶嘅，有D奧運資料呀公仔咁睇吓。

 

買80蚊及100蚊排尼度。

買(0左)80蚊飛上到黎塔球中層，人唔係多，
重有好多物理知識比你睇，比你玩。

這個樹琴用紅外綫感觸，發出好聽音樂。

尼個試吓你膽量，玻璃下面15層樓高。

從這裏望青島景色，灰濛濛以為玻璃窗污穢。

落一層到咖啡廳望吓。

都係差唔多咁濛。





再落多一層係平台，露天但風速好高，吹到人都郁。
這裏好清楚睇到風景都係灰濛濛，咁即係同玻璃窗無關係，
只是青島嘅空氣內含太多煤灰。

青島博物館，聽日會去睇。

耳邊不斷有人介紹，紅瓦綠樹，碧海藍天。
但城市發展，這些建築會能否保留都成問題。

滙泉廣場，一直都去唔到。

棧橋，最遠個波波係酒店有夜總會架。

最遠座大廈係海天酒店，前d紅瓦綠樹就係八大關，我住酒店都係裏面。

尼兩個波波係天文台。

咁落返50蚊大廳，睇吓有乜先。最大分別係人多又可以買手信。

尼度重係餐廳黎，你可以用餐架。

落番低座，尼度係免費參觀區。

除左有記念品之外，重有圖片館。

参觀完電視塔之後，又乘索道去湛山寺。