青島旅遊6

Day2 中山公園~青島觀光電視塔~湛山寺~基督教堂~訊號山~棧橋~春和樓 

離開湛山寺，乘搭索道返回中山公園正門時，不知時否午膳時間，好多小販正在擺賣。

臭豆腐係香港好耐無見啦，尼度週圍有，賣5蚊1杯，佢地會加蔥同辣椒水汁，小販見我地只要一點點辣椒汁，話無乜汁加D餃子醋比我地？？？咁又得，個臭豆腐只有好小臭，炸完外面硬唔係脆，個汁都好辣吓，小小酸。

 

青島週圍都有食店，今次隨便入一間。

 朋友仔重感冒，盡量要清淡，好在好多店家都係額外提供辣椒比你自加都幾貼心，唔係佢有難。

亞姐話涼拌粉皮係當地出名喎，咁.... 又試吓啦。  

涼拌海折蜇，每次食飯店家都提我地要一個涼菜。好似唔係咁就唔完美。

 

尼個串燒叫做骨肉相連，佢係雞肉黎，但唔知係點整。
(青島串燒都好十大美食黎架)

我特意叫海鮮麵，因為青島十大美食之一。
但！朋友仔見到有師父現場做刀削麵就話，尼D麵係交黎嘅，
你睇師父係到整緊拉麵，尼D先係晒家野麻。
(唉！咪叫囉，重乜係度碎碎念姐) 

 

 蔥爆八帶即係我地嘅八爪魚，尼餐只花了61蚊人仔。

去基督堂路上，好多建築物都有好耐歷史。由菖縣路入，途經德縣路及沂水路，這裏又叫歐洲風情街，以沂水路德國總督府舊址最出名。

 

 

總督府舊址而家叫做，市政協辦公樓。

 

面對住總督府舊址這個公園，係英國領使館舊址。

基督堂用黃色的波變牆做基調，配以筒式紅陶瓦和
用綠色金屬片鋪就四棱曲線的鐘樓塔頂。

 

基督堂像童話故事裡的中世紀城堡，所以未入門口已經見到好熱鬧，唔係假日都好多新人拍婚紗照。

基督教堂也是青島著名的宗教建築，坐落在江蘇路十五號，與山丘地形、海灣景色緊密結合，東鄰信號山公園，風景秀麗。這是一個典型的德國古堡式建築，佔地約一千三百平方米，由鐘樓和禮堂兩部分組成。

 


教堂的鐘樓是來自1909年，德國原裝設備的機械報時鐘。一百年過去了這座報時鐘仍然運作，但是！大鐘的表面是畫上去的。

好艱難咁避開D人，終於影到張建築物相。
因為前門係唔開，要由後門出入。

內裏裝修簡單樸實，好神聖同莊嚴。