蛋白糖霜餅乾

整餅有蛋白剩，咁唔好嘥，即刻睇書，整左尼個蛋白糖霜餅乾。

人家本來叫做杏仁蛋白餅，但！因為沒有杏仁，又沒有杏仁角所以幫佢改左名。





第一次整，哇~ ~ ！ 好醜樣呀，好似乜野咁，
唔想唧長條狀，結果搞成咁。





但！味道好好，好符合個餅要乾乾酥酥嘅要求，好脆呀，一啖一個唔錯。

咁第二次再整，今次加埋朱古力粉，唧出黎時好~ 好掂。

焗時澎漲左都ok 架，焗完又係好樣衰。

 

今次再黎，終於唧到個心出黎，可惜有點粗糙。




諗住加d朱古力粉，點知搞得多變成扁扁咁嘅樣。

好啦，要暫停一吓，唔係肥到唔認得自己。