菇炒五花肉

真係比大小姐玩C，佢個視覺藝術課有個功課(佢主題係婚嫁)，

欠做新娘花球同新郎哥重有其他人嘅襟花。我話：吓！

咁你去澳門前唔講。囡：我都唔知點做。

我：咁你同老師講唔曉囉。囡：老師話要完美D，

唔曉就要諗吓點做，視覺藝術課係無得教，嗚~ ~。唉！

無野好講，你都係度喊，重有一日我要出門，只好幫得幾多

得幾多，(我尼d咪係害C d細路嘅人囉，乜都幫d細路諗埋，

咁佢地咪乜都唔識囉)。講低左，又教左佢，我出左門

就唔理，你自己搞掂d手尾佢啦。最慘就係我，無得瞓要盡搞佢。

 

材料：五花肉10片、冬菇8朵（去蒂頭，先洗過，再泡，冬菇水要留）、杏鮑菇1根、
紅辣椒1根（切片）、芫茜1把、蒜苗1根、蠔油、糖、麻油、黑胡椒

做法：
1. 香菇泡開切對半，將辣椒切絲，杏鮑菇切片狀備用。2.  蒜苗切斜片，將蒜綠和蒜白分開備用。

  3. 起鍋，下五花肉煸香後，下冬菇、杏鮑菇炒香後，放入蠔油、
冬菇水、糖、黑胡椒炒至收乾，再放入蒜白、辣椒、
蒜綠拌炒均勻，起鍋前淋上麻油、芫茜即可。