雙冬煮素雞

係深水埗 樹記 買左d腐竹，同埋素雞。因為素雞只可放三日，所要快d食。

加d筍、冬菇炒埋一碟d

尼隻新鮮素雞比較大隻，可能新鮮關係都幾好食。

絲瓜豆腐消暑湯

聽個名就知一定消暑.........廢話。

不過佢對小朋友特別好，因為加了生麥芽，有消食和中，

舒肝化滯及通便之用，而且無花果可以健胃清腸，消腫解毒。

如果孩子頭部及面部生出紅腫小瘡，或生熱痱，煲湯時無花果加至6、7個，

效果更佳。

 

絲瓜1條，豆腐1大件，生麥芽、雲耳各2兩，豬骨1斤，

無花果4個，生薑3片，煲2小時即可。

喜歡可以加埋赤小豆。

生麥芽

辛苦都係為左食

尼篇係成日比人打尖 ，所以遲左好多先出。

一早吃左個飽就搭車出省城登記，預備註冊，真係小出門，

唉！中環鬼咁塞車，攪到我比約定時間遲左成15分鐘  。

本來好担心，結果！見同學一字排開坐係走廊到等面試，

知道重要等多3個人先到自己先安樂晒

乍。有人重利害，

足足遲左成135分鐘，考官大發脾氣，結結實實咁同佢面試，結果！

又答錯晒問題，考官叫佢返屋企再温書 。

註冊攪左一朝，係金鐘食飯，但比同學笑。

話我點佢，食左一餐好貴嘅午餐 ，唉呀！咁係門口有餐牌睇價錢架。

但！加錢餐湯可以換龍蝦湯，佢又話横掂黎到試吓啦，

咁又使唔使去到咁盡呀。果隻龍蝦又大到尼  。

全部人，都係吃豬扖墨魚汁飯 ，都好好味。

吹埋水，上樓去百本登記做兼職。

攪一攪又用左成2個鐘 ，做左2件事，但用左一日時間。

拿~！鏡頭轉過來，落左去深水埗買腐竹 。

同行朋友極力推荐 ，唔買一定後悔嘅腐竹，而且佢話，

我地今日好彩無乜人，平時排隊要成半小時架。

咁就聽佢話買一d囉，件雞比起平時真空包裝果d，又真係大件好多喎。

約左到容記食飯，我地一早就到場，以免要等位。

地方都好整潔，今日全日都落雨，可能係咁，所以都無乜人。

餐牌寫住必食嘅—同行嘅話今日啲色水唔夠靚，重好咸。

又係餐牌寫住必食嘅—隻雞又唔見得特別好食。

炒青菜

待應叔叔介紹班腩煲，無乜驚起d

辣炒年糕

南乳齋煲—同行有人話今日唔知係初一定十五，要食d齋喎？？？

可能抱住期望，無想像中咁好食。

怪味雞

材料：芽菜、雞胸肉4塊

煮肉料：
蔥1支、薑1小塊

調味料：
鹽1/4茶匙、醬油1湯匙、芝麻醬2.5湯匙、糖1/3湯匙、白醋1/4湯匙、麻油3湯匙、辣油1.5湯匙、花椒粉2茶匙、白芝麻1.5湯匙

做法：
1.將蔥、薑塊拍裂備用。
2.起一鍋滾水，下煮肉料、雞胸肉，蓋上鍋蓋煮大滾後，熄火焗15分鐘，掀開鍋蓋，將雞胸肉浸泡冰水至涼，取出剝成雞絲備用。
3.起一鍋滾水，下芽菜、2茶匙油，將芽菜燙熟後，撈出瀝乾，盛放至碟中備用。
4.芝麻醬、4湯匙冷雞湯拌勻，再下其他調味料拌勻備用。
5.將做法2擺在芽菜上方，再淋上做法4即可。

金太陽

尼一輪係街市成見日這種魚，佢顏色好鮮艷，

有紅色，有金黃色，亞姐話佢叫金太陽，煎到最好食，

d肉爽嘅，但我覺得佢有點Un。

XO醬墨魚油條

材料：
墨魚漿四兩、蝦仁50g(切小丁)、馬蹄50g(切小丁)、油條2條、洋蔥丁50g、蛋白1顆、粟米粉1大匙、XO醬1大匙、雞上湯1碗、芫茜1大匙

調味料：
醬油1匙、麻油1匙、生粉水1湯匙
做法：
1.油條切6公分長，再對切剖半備用。
2.餡：將蝦仁丁、墨魚漿混合馬蹄丁、洋蔥丁、(馬蹄及洋蔥各留少許)蛋白1/2量、粟粉拌勻成餡。
3.取內餡填充塗抹在油條剖面表層，手沾蛋白液抹光滑表層。
4.起中油温約160℃，下鍋炸步驟3油條，炸約4分鐘取出吸油。
5.起鍋熱香油，爆香馬蹄丁、洋蔥丁，放入上湯、XO醬及醬油1匙、生粉水1大湯匙煮成澆汁，澆淋在油條表層完成。

泰湯河粉

呵呵~！酸酸味味最適合尼個天時。

 

材料：
碎豬肉100g、薑絲5g、芽菜20g、蒜茸10g、辣椒5g、洋蔥絲30g、花生粒10g、芫茜5g、白芝麻1大匙、河粉200g、雞上湯1大碗

調味料：魚露2茶匙、米酒1茶匙、胡椒粉1小匙、檸檬汁30cc

做法：1.花生粒敲碎備用；上湯煮熱。
2.取一平底鍋，下洋蔥炒香盛起；下豬肉炒香，再下蒜茸、辣椒、米酒拌勻。
3.加入芽菜、魚露、胡椒粉、河條、上湯煮至沸起。
4.將檸檬汁、花生碎、白芝麻、香菜放入大碗中，將沸起成品倒入大碗中即成。

泰式果醋薯條

夏天來多一點生果，應該沒有人反對吧。

 

屋企有d薯條剩，

大家都應該記得我是好慳家，如果唔係點打斧頭呀

 

 

記得上次買左盒可以即飲蘋果醋 ，固名思義，係小小酸多多甜。

把洋蔥1/4個切得薄一點，放入冰水中泡約20~30分鐘，

盛起隔乾水，放碟底；蘋果1個(最好青蘋果，咁樣比較有酸味)切幼條；

菠蘿2片切幼條，兩樣都鋪在洋蔥面，士多啤梨3粒切半圍邊

 

 

香蕉1條切塊排入盤中；薯條約100克，用油炸至香酥放在生果面上；

將蘋果醋300cc、魚露3茶匙、糖1湯匙、薑泥拌勻，淋在薯條上；

再灑上七味粉，海苔粉，芫茜，蜜糖即完成

 

蜜糖1茶匙就好，否則太甜，因為其他配搭都不是重口味

湯圓糖水

我的迷思，這是松記糖水店的 六寶湯圓 請恕我眼淺

 

就咁真係分別不大，我只睇到綠茶及奶皇。

這是老板請的糖水，多謝老板

係呀，我傻傻地，食熱糖水

素蔗蝦

有位同事係茹素的，她介紹好多產品都好正，

今次用素火腿來個這個菜，希望成功啦。

 

材料：
蔗1根、薯仔(蒸熟)400克、馬蹄丁50克、素火腿茸100克、生粉粉1小碗

另外過三關用：麵粉、麵包糠、蛋2顆

蔗刨去外面粗纖維，避開關節處切約7公分長條，

放水中漂淡甜份，以紙巾吸乾水分，再均勻沾裹上生粉。

薯仔切片，放鑊蒸熟壓成泥狀，加入素火腿茸、馬蹄丁、少許麻油混拌均勻。

取適量薯泥包在甘蔗條外面塑型成琵琶狀，放雪櫃待2小時。

依序沾裹麵粉、蛋液、麵包粉即係過三關。

將薯泥以160度油溫炸至金黃酥香取出，鋪排在碟上，再淋上黃芥末吊味即可。

 

調味料方面最好用麻油、韃靼醬3大匙、黃芥末3大匙混合，

但我無加入韃靼醬都覺得好好味。

麻醬雞絲涼麵

呀，又係食麵呀，好唔想入廚

 

 

 

就咁用d麻醬同紅醋拌個汁食。

焦糖玉桂香蕉

有d時間，見有蕉想食焦糖香蕉拌雪糕球做下午茶，

天氣又熱，我又手腳慢，攪到雪糕都溶了。

 

黃糖加水用小火煮溶，請留意不要攪動啊！

 

煮到沸騰時加入牛油。

 

再次沸騰時熄火，分次加入淡忌廉。

跟住不停攪拌

最後，加入香油，焦糖即完成。

香蕉用牛油慢火煎香。

煎至金黃時加入肉桂粉即可盛起。

 

加上雪糕及焦糖即可。