冬瓜粒湯+飯

今日係小暑，由而家開始天熱會熱到影响胃口，琴晚這個湯加埋飯咁又一餐，

 

冬瓜消暑又可以消下身水腫，濕濕地真係好易入口。

材料：冬瓜1斤切粒，蜆1斤，冬菇少許切粒(浸冬菇水保留)，蟹柳3條切粒，瑤柱1粒(浸軟連水保留)，豬肉碎少許，蝦米少許(洗淨、浸軟水保留)。

 

調味：糖，鹽，胡椒粉各少許。

煲滾水下薑2片冬瓜粒，轉番滾後加入冬菇粒+水，瑤柱+水，蝦米+水，煲至冬瓜變透明，加入蟹柳、豬肉碎及蜆，再滾至蜆開口調味即可。