個天放晴—摘荔枝去

7月1號 ，回歸日 噢！真係好，個天終於放晴，

我係五天工作，又要輪班工作，咁啱排到連放四日假，

 

真係好開心，本來想約個朋友仔去旅行，

可惜佢急性坐骨神經痛，無番三個月都唔會好。

一早起身，真係好早....傻傻地，可能年幾大早起瞓唔著，只好去食個早餐先，跟住會合媽媽返大陸摘荔枝食。

屋企有老大真係好，黏住佢著數都多D，有專車接送。

架車行西部通道。

尼個係唯一人唔使落車檢查嘅口岸，唔使一陣間攪掂。

好快去到西麗，一到 土步 就係食......其實係唔係為食團尼？

 

大陸d餐具成日都話消毒左，但我地都係信佢唔過，你尼。

好大鄉里，d普通話又C過人，人地問食乜主食，攪一大輪先知，係指炒粉、麵、飯同埋尼d包。

我地簡左尼個22蚊人仔一打。

大陸一d地道食店，好多菜式都唔係清淡，唔係好啱我地，

而且普遍是講普通話，但服務員熱情，

價錢抵就無得頂，佰幾蚊一餐真係無話講。

之後  去到果場，老板比個果藍你自己摘，

入場費每位30，任食到飽，拎走要另計。

老板教我地要見那棵，樹梢好高處有小小荔枝，果d先好食。

因為通常第一陣好食都比軍警來摘左，所以樹幹及手爬得到果d都無晒，有好多隨意摘到都係酸，好似尼棵咁唔好食。

沿路行一路試食，係尼度隨地拋垃圾真係過足癮。

 

 

見到尼棵合晒老板講要求，試吓又真係好好味，但！

亞叔見我到摘咁耐都只得一蘿仔，唔抵得爬上樹幫我地摘。

又真係好甜，好爽，好脆，又細核，樹上熟即摘即食好唔同，

連皮都是脆非常好碌，一碌開有還有水水滴出來。

老板話唔好食埋蒂頭果d肉，你條脷會鞋，又會好快飽。

尼度係合我地幾個人之力摘嘅，都有10斤啦。

同場加映臭屁瘌。

結果右下角果袋先係我地摘

 

，其他入埋盒嘅係同老板買嘅。

同場加影...爛屋一間。

尼度係廚房及小露台

客房

主人房

客廳

事原家姐買左個單位建築面積963呎，用左63萬，

係香港真係無肆佰萬都唔得，剛剛收樓，但好多野唔鍾意，

特別係個地板，要揾人重做。

尼個大廈好唔好就唔知，抵就幾抵，過關搭的士就12~15分鐘到。

又快到晚餐時間，五點就到酒樓食飯

 

真係好似旅行團，早早就去食晚餐。

吃埋晚餐好滿足一天，咁就坐車過關又一天啦。