口水雞

 

 

個個都講口水雞，只因荃灣及好多地區都有口水雞賣，重要排晒隊添。




今次我都襯熱閙，整番個口水雞先。

好耐之前係國內食係無乜汁，但又麻又辣幾過癮的，但香港賣尼d又偏酸酸地又多汁，我又唔係幾喜歡，今次我整係啱我自己口味，只有小小酸，多些麻小小辣的。

煲一大煲沸水，加入1湯匙鹽，兩片薑及蔥，放隻全雞入去，待水番滾後，加蓋熄火焗半小時，浸熟隻雞後過冰水，這時雞就可以撕肉啦。

用3湯匙油爆香花椒粒及乾椒，隔去渣渣後，剩下的花椒油可給口水雞調味。

調味：蒜茸1湯匙，蔥粒3湯匙，薑茸1茶匙，指天椒2隻，花生碎半碗，芝麻1茶匙，椰糖水2湯匙(椰糖較香可用砂糖都得)，鎮江醋4湯匙，生抽12湯匙，清水5湯匙(喜歡酸可加檸檬汁，但偏向泰國一d) 。

把調味汁料拌勻，冧在雞件上，再加上花椒油麻得夠過癮。