荷豆炒臘味

材料：荷豆約半斤，秀珍姑一份，臘味一段，薑3片蒜茸1茶匙。
調味：水1大湯匙、米酒1茶匙。
做法：
1.荷豆洗淨撕去根；臘味蒸熟後斜切片(汁留用)。

2.先爆薑片，下蒜茸、荷蘭豆炒，再下秀珍菇略炒加蓋焗3分鐘，臘肉回鑊連汁，加調味拌勻即可。

季季紅

人齊夠腳去季季紅試這個禾米豬啦。

 

一上枱見隻豬夠晒份量，就知道人多吃無錯啦。

待應哥哥等我地影夠先斬件。

斬開就會睇到佢份量十足個樣啦。

天氣凍個個人胃口大增，人人都吃佢兩碗飯，如果夏天一定吃唔到咁多。

尼個豬肺白菜湯係招牌菜

佢地賣嘅雞聽講話好特別，比人地多隻雞指咕喎，你地都留意吓。

尼度地方唔算大，所以上菜速度都好快，要限時。

 

人真係好多，應該同米豬連有關，成八點幾外面重有好多人等位

滋補雪蛤雞湯

材料：光雞1隻去皮，雪蛤膏約1湯匙，薑1舊。
藥材：當歸，熟地黃，南杏，肉蓯蓉，川芎，陳皮，雞心棗各少許。

 

 

做法：
1.雪蛤膏用水浸一晚，浸透發開後，揀去黑子和雜物，把其他藥材洗淨隔乾水。

2.雞先用大滾水浸泡，去雜質及血水後，放入燉盅。

3.薑用磨磨成薑茸，去渣留汁(約1湯匙)，加入米酒1湯匙。

4.把藥材、雪蛤膏、薑汁酒及凍開水6碗加入燉盅內，先用大火燉半小時，轉中細火燉3小時即可加鹽調味食用。

美食節

趁熱鬧去會展個美食節睇吓有乜新產品，無諗過有乜野買。
但！原來唔想使錢，真係唔好去，因為敗家嘅因子又會作怪。

這個是大少姐話一定要買，因為佢成日係街上一邊轉一邊烤的店舖買，每支賣得很貴，而家可以係屋企吃過夠。

這個方便芒果糯米飯，又係大小姐至愛。

稻米油平左25%，重送枝細，真係好抵。

這家的產品，舊年食過唔錯，今年一定要幫襯佢。

行行吓，聽到話限時賣，咁又買兩包。

這是店員極力推介。

過年都會吃這些，咁就買埋啦，因為這裏個推介一定比外面平的。

這個又係番尋味食品，舊年大家都話好味，見到多多小小都會買的。

行左一餐，又試吃到飽，最後重拎唔晒，咁當然要買部車用吓啦，用120蚊買6枝調味料就有部車送。

甜蜜蕃薯

蕃薯當造，所以好平，大小姐最鍾意食，

特別係係大X活吃下午茶餐個兩三舊炸蕃薯粒，而家d野貴晒，

無理由由佢繼續咁去幫襯，而且D野好平自己晒D時間就OK。

 

尼度原本係一條好肥大嘅蕃薯，整完會縮水。

 

 

材料：大蕃薯一條

糖醬：碎冰糖半碗，麥芽糖約2大湯匙，熱水半碗。

做法：

1.將蕃薯去皮，切成長粗條形。

2.熱鍋下1湯匙油，下冰糖，煮至變深色加入麥芽糖再炒3分鐘，至融化變色後，下熱水(落凍水會噴到周圍都係，噴到手好痛架，小心 小心)煮勻，煮滾後，加入蕃薯煮10分鐘(每兩分鐘翻動一次)，至蕃薯煮熟，入味即可。

記住全程都是中細火，是不是好通透好入味尼。

左邊尼一份我加多一個工序，先用油炸至熟，再放入糖漿中煮，

出來結果，唔得，外皮比較硬及唔會甜入心。

火鍋—炸生蠔

 

聖誕節本來食火雞大餐才對，但！
天寒地凍最好打邊爐。而新聞話最好食菜先，
重要食多d先啱，咁大家食多d菜啦。

 

 

 

天氣咁乾，重打邊爐一定燥，煲定d竹蔗水一定無甩拖。

 

 

每次打完邊爐
剩餘物資一定有丸丸，放湯碌麵梗係唔小得尼d動作，
其中介紹個炸生蠔比大家

。

 

 

用麵粉8湯匙，生粉2湯匙，粟粉2湯匙，發粉2湯匙，糯米粉4湯匙，熟油4湯匙開成炸漿，蠔拖一拖熱水，沾上炸漿，放入熱油中炸至金黃色即可。


 

這個炸漿非常酥脆，重可以保持得耐d，
大家不彷一試。





至於味道，你可以配七味粉、椒鹽、 檸檬汁、
泰式雞醬，真係你想點就點。

紅燒牛腩

今年聖誕節忙到嘔，乜都無做。

 

 

網友bb33報料，惠康牛肋條有特價即刻去買。

 

白蘿蔔，報紙話7寸長白蘿蔔只有2個卡路里，

嘩！唔怪得以前d人揾佢來搭配牛腩啦，又清甜，又無負擔，正呀。

牛腩300克，紅蘿葡100克，白蘿葡100克，大蕃茄1粒，蒜茸、蔥段，八角3粒，洋蔥半粒，水2杯。
豉油4.5茶匙，糖1茶匙，蕃茄醬2大匙，五香粉1小匙，米酒2茶匙，胡椒粉1小匙
1.紅白蘿蔔，蕃茄，洋蔥切大丁，牛脯切塊，加入調味料拌。

2.取一鍋，加小許油，爆香蒜茸，蔥段，再下八角炒香後，加入水拌勻，將全部料一齊於入鍋煮至冧即可。

聖誕節快樂

又到聖誕~ 又到聖誕~ ~
好快又一年完結啦。

今年周圍都無乜氣氛。

好多商場都係簡簡單單咁幾棵樹，幾個燈泡就算。

 

而我地公司又係簡簡單單一餐。

咁我都整d野表示吓。

火雞太大隻，請大家食燒雞一同慶祝聖誕節。

聖誕快樂~ ~‧★,:*:‧\(￣▽￣)/‧:*‧°★*