羊腩煲

大少佢真係好鍾意吃羊架，出街食，餐廳有羊的話佢一定點，但！而家係街食羊份量好小，今次佢就買二磅羊肉返黎焗我整比佢食，唉！無法，話左佢聽要佢自己包底架，我唔多食架。

 

 

材料：
羊腩2磅，馬蹄1斤、玉桂1枝、八角2粒、草果1個、
唐芹/茼蒿菜適量、南乳2塊、老薑1小塊、枝竹(腐竹)6根、薑1小塊。

調味料：
蠔油1大匙、味醂1大匙、麻油1大匙、紹興酒6大匙

做法：

1.羊腩切大件，放入滾水中汆燙後，用水沖淨。

2.用少許油爆香草果、玉桂和八角，加入羊腩，
加少許紹興酒及浸過面水，中大火煮約1小時。

3.腐竹入油鍋炸至金黃，泡冷水切小段，
以滾水煮軟再放進冷水降溫；南乳用水調開。

4.砂鍋熱麻油加入薑片爆炒，加紹興酒及南乳，把馬蹄和 2 羊腩塊及湯、草果、玉桂、八角滾煮倒進砂鍋內用中小火煨煮約30分鐘

5.放入蠔油、味醂、腐竹煨煮至羊腩軟後，加入芹菜。
6.用鹽調味，又可將湯汁取出勾芡澆淋在羊腩上即可。