青島旅遊8

Day2 中山公園~青島觀光電視塔~湛山寺~基督教堂~訊號山~棧橋~春和樓  

由訊號山步沿沂水路到棧橋會經過青島郵電博物館。

沿著海濱走遠遠都己經見到迴瀾閣。

沙灘有好多人玩水上活動，搞到我都想踏吓水，但！
朋友仔叫唔好，玩到一腳沙點搞。

棧橋建於光緒十八年(公元1892年)是青島最早的碼頭，
其後多次修建和整修。如今此橋寬八米，全長四百四十米。

棧橋是青島象徵，有人話到青島的遊客如果沒有看一看棧橋，等於沒來青島，棧橋位於中山路南端，橋身從海岸探入彎月般的青島灣深處，橋盡頭具有中國民族風格的翹角重簷建築，端莊地安坐於碧波之上，在海岸周邊眾多歐式建築襯托下，顯得別致，有「長橋遠引」的美譽。棧橋南端築了半圓形防波浪，堤內建有民族形式的兩蹭八角樓，名『迴瀾閣』，遊人    立閣旁，欣賞層層巨浪湧來，拍打堤壩，「飛閣回瀾」被譽為「青島十景」之一。

 

棧橋另外一邊沙灘有好多紅礁石，重有好多人係度揾野。

朋友仔話危險叫唔好落去，但！我話睇吓D人做乜，佢先由得我。

原來海邊商機無限，小販把海星放入水裏
喂食海草同埋吸引游人賣，有人賣水桶及漁網比人捉魚仔。

我就同自己個影係岩紅礁石上面一齊玩水。

尼度d水好冰凍，水裏有好多海草同海帶。

八掛完一輪之後，我地行到橋盡頭睇吓。

 迴瀾閣是一個小型的展覽館，
經常舉辦一些美術、攝影及其它藝術展覽。

係棧橋送走今日的夕 陽後去春和樓食飯。

今餐簡左尼間春和樓食飯。

百年老店由裝修到招呼，以及菜式都好舊式，我諗.....
外國人一定歡喜到C，但.......我就唔覺有乜出色。

我又氾一個毛病就係無點冷盤同主先食，待應提醒我無叫這兩樣東西，加埋之前點左3個菜，因此今餐食6個菜。而且朋友仔重感冒，口味變得有點南轅北轍真係............

涼拌粉皮—附帶埋一碗好香嘅芝麻醬。朋友仔話：杰塌塌，應該加D水，好似有點壞，酸酸地咁嘅。(呀！C得....人家加左醋咪酸囉。)

鵝肝茶樹菇—嶗山出名菇類。朋友仔話：乾爭爭，無味無道你應該叫碟菜先啱。(唉！人家爽脆如竹筍口感，用鵝肝吊味，你咁講，我唔識講。)

乾燒對蝦—朋友仔話： 無乜特別吖，咪又係蝦。(唉！對蝦青島特產及十大小菜之一喎，差唔多都要知係乜分別架。)

春和樓出名香酥雞，先用十幾種中藥醃制，先蒸後拆骨，再去炸，上碟完成重成隻雞樣。要求香酥肉嫩。

朋友仔話：把鬼，炸又唔係炸，肉柴到C，無黎味道。聽完佢講我即刻暈低，想話比佢知尼個係百年老號店家嘅得獎名菜，重要係青島十大小菜。

蒸餃—朋友仔點左羊肉餃，但！我知這裏出名係三鮮蒸餃，所以多點一籠。

朋友仔話：尼個係羊肉，一定係，叫一籠咪得囉，點咁多食唔晒。

邊個係羊肉，邊個係三鮮我真係分唔清，但都好食，質感夠紥實，味濃。

今次真係食得好飽，一定要散吓步先返酒店。

劈柴院正好在春和樓後便，咁自然到這裏散步。

圓形盆上就是這裏出名的鱍魚。

劈柴院地方唔大，但內有各式小食，排骨飯、蛋蒸海胆、三鮮鍋貼、
爆肚、烤魷魚、豆腐腦，似美食坊多過景點，所以行完一圈就走。