青島旅遊18

Day 5   魯迅公園~ 海軍博物館~小青島~老舍公園~ 天主堂~ 德國風情街~萬和春 

係甜沬店對面，即天主堂側個大型百貨公司，朋友仔話整個行程都未買過手信，係景點又無人嬲買，跟開團習慣去購物，佢極唔爽情況下，話要入百貨公司睇吓，係睇吓先姐，但結果佢就係咁掃係咁掃，咁我都順便買一D，結果我抽到CC吓。

有一點，百貨公司顧客或酒店住客係有免費專車搭架，朋友仔話咁可以遊吓車河，唏！真係比佢激C，佢係路痴黎架，東南西北都分唔到架，好在我都有做功課，知道吓位置。

就咁係，其中一條線去左館陶路附近，果度有條德國風情街。

1897年德國藉機佔領青島，當時大舉進駐青島。由於館陶路鄰近膠州海關、後海碼頭和大港火車站，占地利之便，在此劃為「洋行區」，最繁華時期洋行達50家，而各國的駐青島機構最初也先在這裡建立。之後青島經歷兩次日佔領，也帶來不小影響，在30年代時已成為青島的金融經濟中心，還被稱為「青島的華爾街」，對華東地區的出口轉口貿易有莫大的影響力。

 

館陶路上留有不少歷史建築，共25座，其中14棟為德式、日式風格。目前，市北區政府將館陶路約1000呎的路段規劃成 「 德國風情街」，南起堂邑路，北至恩縣路，與上海路、寧波路、廣東路垂直相交。

街頭牌樓開始，這個三角路口是原英國麥加利銀行建築，在花圃設立雕像作為特色街的起點。

青島市商業銀行位於，橫濱正金銀行青島支行舊址

三菱洋行舊址，現為青紡聯控股集團。

成條街尼間最巴閉，青島取引所舊址由左行到右都要五分鐘。曾為舊中國最大的證劵交易所和期貨交易所。建於1920年，建築師為日本人三井幸次郎，可惜棄癈左。

現今長途巴士車站及汽車票售票廳

行左一半轉入菜市場

聞到好香，見亞姐煎緊個菜餅，有好大量蔬菜，賣10蚊1個，成頂帽咁大。

又見到肉夾饃，今個行程都吃左好幾個，菜市場賣4蚊個內容量真係多D。

有點肉碎，尖椒，洋蔥剁埋一齊夾入個飽到，小小辣、咸香咁。

今餐係萬和春，吃青島十大得獎小菜排骨飯。

排骨砂鍋米飯，是萬和春飯店創始人王世河五十年祖傳配方，用上蔥、薑、大棗、枸杞、圓肉、肉桂、丁香、八角、肉寇、沙仁、白荼、小茴，加上精選嘅魯西南豬(六個月左右)精制而成。

排骨飯賣16蚊一個一煲排骨，白飯可以匹到夠，我到食套餐40.5，
包二個排骨煲一個涼菜、二杯飲品。