八號風球下

星期四一早起身，大小姐走黎話比我知八號風球，上網一睇
係喎，無諗過佢會打成日，跟住就黏住部電腦
一路留意個風向睇吓要唔要返工，一路打新blog。

一早係佳寶買定尼個防打風，以為有雞肉有菠菜幾好。

好耐都無食過尼d現成食品。
.
.

但！原來好咸架

]


係櫃到摷到朋友送嘅手信，就咁將就吓一餐。

中午見樓下燒臘店開門，之前又覺得唔夠飽，
咁又買左三個好平嘅飯盒。

到下午茶時間大少提議去酒樓。

返到屋企，大少姐無聊，每人做左一份三文治。

讚左大少姐兩吓，佢又做多樣，係佢喺Pizza X食過
覺得好食嘅多士，he he 小朋友又想人讚多吓。

到左晚餐時間又出去食牛丼，
哈~ 講真咁樣再打多幾次風都真係唔掂呀。