碗仔翅

以前粉絲當魚翅，而家高級左，用d明膠物體做魚翅，像真度好高，過年用佢煮齋翅湯或請客，真係好有面子

睇落條條翅都咁粗，食落夠晒過癮‥其實！佢係人做翅無乜味，所以個湯要較杰身d會好味d。

材料：雞脾兩隻、冬菇4朵、木耳1朵、翅1份、薑2片。
湯料：雞粉、糖、鹽、生抽、老抽、麻油。
芡：馬蹄粉/糯米粉

做法：
1. 冬菇浸軟切絲；木耳浸軟切絲；翅解凍。
2. 雞脾洗淨放入鍋內，加入小量水煮至滾續煮十五分鍾，水留用，雞脾起骨拆肉剥成絲。
3. 用1湯匙油起鑊，爆香薑片後棄掉，灒酒加入2湯水。
4. 煮滾後，加入湯料及1材料，煮滾後熄火，加入馬蹄粉(要開小量水)，再開火推至稠即可，可用浙醋及胡椒粉拌食。
(用糯米粉埋芡會杰身d)